Author: નોબત સમાચાર
બેંકમાં પૈસા ઉપાડવા આવેલા એનઆરઆઈ નાસ્તો કરવા રોકાયા'ને ૩૪ હજાર સેરવાયા
આંગળીના કોઈ ઈલમી સામે પોલીસમાં કરાઈ ફરિયાદઃ
જામનગર તા. ૩૦: જામનગર આવેલા લંડનના એક આસામી ગઈકાલે પોતાના બેંક ખાતામાંથી રૂ।.૩૪ હજાર ઉપાડી લીમડા લાઈનના ખૂણા પાસે નાસ્તો કરવા ઉભા રહ્યા તે દરમિયાન તેમના ખિસ્સામાંથી આ રકમ સેરવાઈ ગઈ હતી. આ આસામીએ સિટી બી ડિવિઝન પોલીસ સ્ટેશનમાં આંગળીના કોઈ ઈલમી સામે ફરિયાદ નોંધાવી છે. પોલીસે સીસીટીવી ફૂટેજ ચકાસવા સહિતની તપાસ કાર્યવાહી હાથ ધરી છે.
જામનગરના હાટકેશ સોસાયટી વિસ્તારમાં વસવાટ કરતા હાલમાં યુ.કે.ના લંડનમાં રહેતા વિજયભાઈ મગનલાલ ભારદીયા નામના બાંસઠ વર્ષના વૃદ્ધ ગઈકાલે નગરના રણજીત રોડ પર આવેલી બેંક ઓફ બરોડામાં આવ્યા હતા. જ્યાં તેઓએ પોતાના બેંક ખાતામાંથી રૂ।.૩૪ હજાર ઉપાડ્યા પછી પેન્ટના પાછળના ખિસ્સામાં રાખી તેઓ રવાના થયા હતા.
ત્યાંથી નીકળ્યા પછી આ વૃદ્ધ લીમડા લાઈનના ખૂણા પર આવેલી બાલાજી ઢોસા નામની દુકાન પાસે પહોંચી ત્યાં નાસ્તો કરવા ઉભા રહ્યા તે દરમિયાન બપોરે સાડા બારેક વાગ્યે કોઈ શખ્સે આંગળીઓનો ઈલમ બતાવી વિજયભાઈના પાછલા ખિસ્સામાંથી ઉપરોક્ત રકમ સીફતપૂર્વક સેરવી લીધી હતી. જેની થોડીવાર પછી વિજયભાઈને જાણ થઈ હતી.
થોડી મિનિટો પહેલાં અંદાજે પચ્ચીસેક વર્ષનો એક શખ્સ તેઓની બાજુમાં ઉભો હતો અને જ્યારે રકમ સેરવાઈ ગયાની જાણ થઈ ત્યારે આ શખ્સ જોવા મળ્યો ન હતો. ત્યાંથી પોલીસ મથકે દોડી ગયેલા વિજયભાઈએ ફરિયાદ નોંધાવી છે. સિટી બી ડિવિઝન પોલીસે બીએનએસની કલમ ૩૦૩ (ર) મુજબ ગુન્હો નોંધી તપાસ શરૂ કરી છે અને તે વિસ્તારમાં મૂકવામાં આવેલા કેટલાક સીસીટીવી કેમેરાના ફૂટેજ ચકાસવામાં આવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
