Author: નોબત સમાચાર
રૂપેણ બંદર પાસે પુલ પર રોંગસાઈડમાં ધસી આવેલા બાઈકનો મોટર સાથે અકસ્માત
ગંભીર ઈજા પામેલા બાઈકચાલકનંુ મૃત્યુઃ
જામનગર તા. ૩૧: ઓખામંડળમાં રૂપેણ બંદર નજીક પુલ પર ગયા મંગળવારે રાત્રે એક મોટર સાથે રોંગ સાઈડમાં ધસી આવેલા મોટરસાયકલે અકસ્માત સર્જયો હતો. ગંભીર ઈજા પામેલા મોટરસાયકલ ચાલકનું મૃત્યુ નિપજ્યું છે. મોટરચાલકે તેની સામે પોલીસમાં ફરિયાદ નોંધાવી છે. દેવભૂમિ દ્વારકા જિલ્લાના ઓખામંડળમાં આવેલા રૂપેણ બંદર નજીક પુલ પરથી ગયા મંગળવારે રાત્રે દ્વારકા તાલુકાના વરવાળા ગામના જીતેન્દ્રભાઈ હરીભાઈ દવે નામના વ્યક્તિ જીજે-૨૨-એચ ૬૧૪૫ નંબરની મોટર લઈને જતા હતા. આ વેળાએ સામેથી પુરપાટ ઝડપે જીજે-૩૭-પી ૯૧૮૪ નંબરનું બાઈક રોંગ સાઈડમાં ધસી આવ્યું હતું. તે બાઈકના ચાલક અલીઅસગર શબ્બીરભાઈ કુનડીયાએ ધડાકાભેર પોતાનું બાઈક મોટર સાથે ટકરાવી દીધુ હતું.
આ અકસ્માતમાં બંને વાહનોમાં નુકસાન થયું હતું અને જીતેન્દ્રભાઈને સામાન્ય ઈજા થઈ હતી. જ્યારે અલીઅસગર ગંભીર રીતે ઘવાયો હતો. આ યુવાનનું મૃત્યુ નિપજ્યું છે. જીતેન્દ્રભાઈએ તેની સામે દ્વારકા પોલીસ મથકમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
