Author: નોબત સમાચાર
દેવભૂમિ દ્વારકાના જિલ્લા કલેકટરે ખંભાળિયા તાલુકાની મામલતદાર કચેરી- પોલીસ સ્ટેશનની ઓચિંતી મુલાકાત
તાલુકા સ્વાગત ફરિયાદ નિવારણ કાર્યક્રમમાં પણ હાજરી આપી
ખંભાળિયા તા. ૨૫ઃ દ્વારકા જિલ્લા કલેકટર રાજેશ તન્નાએ ખંભાળિયા પોલીસ સ્ટેશન તથા મામલતદાર કચેરીની ઓચિંતી મુલાકાત લીધી હતી.
દેવભૂમિ દ્વારકા જિલ્લાના ખુબ જ એકિટવ જિલ્લા કલેકટર રાજેશ તન્ના અવાર નવાર નાની કચેરીઓ તથા લોકોની સુવિધા પૂરી ૫ાડતા તંત્રોની ઓચિંતી મુલાકાતો લઈઙ્મો તંત્રને ચેતનવંતુ બનાવતા હોય ગઈકાલે ખંભાળિયા શહેર વિસ્તારમાં પણ તેમણે પોલીસ સ્ટેશન તથા મામલતદાર કચેરીની ઓચિંતી મુલાકાત લીધી હતી.
ખંભાળિયા શહેર પોલીસ સ્ટેશનની મુલાકાત લઈને ખંભાળિયા ટાઉનના ગુનાઓ અને પોલીસ કાર્યવાહીની સમીક્ષા કરી હતી તથા ઈ ગુજકોમ એપમાં થતી કામગીરીનું પણ નિરીક્ષણ કર્યુ હતું તથા રેકોર્ડની તપાસણી કરી જરૂરી સૂચનાઓ આપીને પી.આઈ. સાથે તથા અધિકારીઓ સાથે કામગીરી સંદર્ભમાં ચર્ચાઓ કરી હતી.
આ પછી ખંભાળિયા મામલતદાર કચેરીની મુલાકાત લઈને ત્યાં ઈધરા કેન્દ્ર, જન સેવા કેન્દ્ર તથા અન્ય શાખાઓની રૂબરૂ મુલાકાત લઈને રેશન કાર્ડ, ઈ-કે.વાય.સી. તથા વારસાઈ નોંધોની કામગીરી ઝુંબેશરૂપે પૂર્ણ કરવા સૂચનાઓ આપી હતી.
આ પછી ખંભાળિયા મામલતદાર કચેરીમાં તાલુકા સ્વાગત ફરિયાદ નિવારણ કાર્યક્રમ હોય તેમાં હાજરી આપીને અરજદારોને રૂબરૂ સાંભળીને સંબંધિત અધિકારી તથા વિભાગના વડાને નિરાકરણ માટે ખાસ સૂચનાઓ પણ આપી હતી.
જિલ્લા કલેકટર રાજેશ તન્ના સાથે પ્રાંત અધિકારી કે.કે. કરમટા તથા મામલતદાર વિક્રમ વરૂ પણ જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
