Author: નોબત સમાચાર
અગાઉ કરેલો કેસ પાછો ખેંચી લેવાનું કહી પિતા-પુત્રની ધમકીથી મહિલાએ દવા પીધી
ફોટો કેમ પાડ્યો તેમ પૂછતા હુમલોઃ
જામનગર તા. ૨૦: જામનગરના અંધાશ્રમ પાસે એક યુવાને પોતાનો ફોટો પાડનાર શખ્સને પૂછતા તેને ગાળો ભાંડી ધમકી આપવામાં આવી છે અને બાઈકમાં નુકસાન કરાયું છે. જ્યારે જામજોધપુરના એક મહિલાએ પિતા-પુત્રની ધમકીથી ડરી ઝેરી દવા પીધી છે. પોલીસે તેઓના નિવેદન પરથી પિતા-પુત્ર સામે ગુન્હો નોંધ્યો છે. અગાઉ કરેલા કેસને પાછો ખેંચી લેવાનું કહી આ શખ્સો ઉશ્કેરાયા હતા.
જામનગરના અંધાશ્રમ વિસ્તારમાં આવેલા હનુમાન ચોકમાં રહેતા દિવ્યરાજસિંહ રણજીતસિંહ જાડેજા નામના યુવાન ગઈકાલે બપોરે પોતાના ઘર પાસે પુલીયા નીચે ઉભા હતા ત્યારે ત્યાં જ રહેતા રાજુ દેવાભાઈ વારસાકીયાએ મોબાઈલમાં તેનો ફોટો પાડ્યો હતો. તે બાબતે દિવ્યરાજસિંહે પૂછતા ગાળો ભાંડી રાજુ વારસાકીયાએ ઝપાઝપી કરી ઈજા પહોંચાડી હતી અને ત્યાં પડેલો પથ્થર ઉપાડી આ યુવાનના બાઈકમાં ઝીંકી જાનથી મારી નાખવાની ધમકી આપી હતી.
જામજોધપુર શહેરમાં સગરપાડામાં ચકલા ચોક પાસે રહેતા અંજનાબેન નટુભાઈ ખાંટ નામના મહિલા ગયા શુક્રવારે બપોરે પોતાના ખેતરે હતા ત્યારે ત્યાં ધસી ગયેલા ચીમનભાઈ મોહનભાઈ ખાંટ તથા તેના પુત્ર આશિષ ચીમનભાઈએ અગાઉ કરેલા કેસને પાછો ખેંચી લેવાનું કહી અંજનાબેનને ગાળો ભાંડી હતી અને પરિવારના સભ્યોને પતાવી દેવાની ધમકી આપી હતી.
આ બાબતની ચિંતામાં અંજનાબેને કોઈ ઝેરી દવા પી લીધી હતી. તે મહિલાને સારવાર માટે ખસેડવામાં આવ્યા છે. જ્યાંથી તેઓએ ચીમનભાઈ તથા તેમના પુત્ર આશિષ સામે ફરિયાદ નોંધાવી છે અને તેમાં જણાવ્યું છે કે, અંજનાબેનની પુત્રીને પણ ઉપરોક્ત પિતા-પુત્ર જ્યારે સામા મળે ત્યારે ગાળો ભાંડી ધમકી આપતા હતા. પોલીસે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
