Author: નોબત સમાચાર
કોંગેસના કોર્પોરેટર રચનાબેન નંદાણિયાની તબિયત બગડતા હોસ્પિટલમાં સારવાર
મ્યુનિસિપલ કમિશનરે મુલાકાત નહીં આપતા અડીંગો જમાવનાર
જામનગર તા. ૩: જામનગરના કોંગ્રેસના કોર્પોરેટર ગઈકાલે બપોરે મ્યુનિ. કમિશનર સમક્ષ રજૂઆત માટે પહોંચ્યા હતાં, પરંતુ કમિશનર તેમને મળ્યા વગર જ ઓફિસ છોડી જતા રહેતા કોર્પોરેટરે ભારે આક્રોશ વ્યક્ત કર્યો હતો અને ત્યાં જ બેસી રહ્યા હતાં, જ્યારે તેમની તબિયત લથડતા હોસ્પિટલ લઈ જવાયા હતાં. ત્યાંથી મોડી સાંજે પરત આવી તેઓને કમિશનરે રૂબરૂ મુલાકાત આપતા પોતાના પ્રશ્નની રજૂઆત કરી હતી.
જમનગરના વોર્ડ નંબર ૪ ના કોંગ્રેસના કોર્પોરેટર રચનાબેન નંદાણિયા ગઈકાલે મ્યુનિ. કમિશનરને મળવા માટે ગયા હતાં, પરંતુ કમિશનર ડી.એન. મોદી વ્યસ્ત હોવાથી કોર્પોરેટરને કલાકો સુધી બહાર રાહ જોવી પડી હતી. આખરે કમિશનરે કોર્પોરેટરને મુલાકાત આપ્યા વગર જ ત્યાંથી નીકળી જતા કોર્પોરેટર રોષે ભરાયા હતાં અને ત્યાં જ અડીંગો જમાવી દીધો હતો.
આ પછી તેમની તબિયત લથડતા તાબડતોડ રચનાબેનને હોસ્પિટલ લઈ જવાયા હતાં જ્યાં તેમની સારવાર શરૂ કરવામાં આવી હતી.
આખરે મોડી સાંજે હોસ્પિટલથી સીધા જ રચનાબેન મહાનગરપાલિકા કચેરીએ પહોંચ્યા હતાં અને કમિશનરે તેમને રૂબરૂ મુલાકાત આપતા પોતાના વિસ્તારમાં ત્રણ સિવિક સેન્ટર બનાવી આપવા રજૂઆત કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
