દરેડ-મસીતિયા રોડ પર ગંજીપાના વડે જુગાર રમતા છ શખ્સ ઝડપાયાઃ રૂ।.૧૧,૩૫૦ કબજે

Author: નોબત સમાચાર

દરેડ-મસીતિયા રોડ પર ગંજીપાના વડે જુગાર રમતા છ શખ્સ ઝડપાયાઃ રૂ।.૧૧,૩૫૦ કબજે

રિક્ષામાં બેસી વર્લીના આંકડા લખતા પાંચ પકડાયાઃ

જામનગર તા. ૫: જામનગર નજીકના દરેડથી મસીતિયા તરફ જવાના રસ્તા પર ગઈકાલે સાંજે ગંજીપાનાથી જુગાર રમતા પાંચ પરપ્રાંતીય સહિત છને પોલીસે પકડી પાડ્યા હતા. પટમાંથી રૂ।.૧૧૩૫૦ કબજે કરાયા હતા. જકાતનાકા પાસે રિક્ષામાં વર્લીના આંકડા લખતા પાંચ શખ્સ પોલીસની ગિરફતમાં આવ્યા હતા. રિક્ષા, રોકડ, મોબાઈલ સહિત રૂ।.૮૦૩૨૦નો મુદ્દામાલ ઝબ્બે લેવાયો હતો.

જામનગરના દરેડ ગામથી મસીતીયા તરફ જવાના રસ્તા પર ગઈકાલે સાંજે કેટલાક શખ્સો ગંજીપાના વડે જુગાર રમતા હોવાની બાતમી પરથી પંચકોશી બી ડિવિઝન પોલીસ સ્ટેશનના સ્ટાફે પીઆઈ વી.જે. રાઠોડની સૂચનાથી દરોડો પાડ્યો હતો.

ત્યાં આવેલી શિવપાર્ક સોસાયટી નજીક ગંજીપાનાથી જુગાર રમતા અમઝદખાન ઈકરામખાન અબ્બાસી, અબ્દુલસૈયદ અબ્દુલહાફીઝ કાદરી, શાકીર સમીરભાઈ, મોહસીન શાકીર અંસારી, મુફતીયાઝઅલી માસુકઅલી, સાજીદ બલુખાન નામના છ શખ્સ મળી આવ્યા હતા. પોલીસે પટમાંથી રૂ।.૧૧૩૫૦ રોકડા કબજે કરી તમામ છ સામે જુગારધારાની કલમ ૧૨ હેઠળ ગુન્હો નોંધ્યો છે.

જામનગરના ગોકુલનગર નજીક આશાપુરા સર્કલથી આગળ જકાતનાકા જવાના રસ્તા પર ગઈકાલે સાંજે એક રિક્ષામાં બેસી કેટલાક શખ્સો વર્લીનું બેટીંગ લેતા હોવાની બાતમી મળતા સિટી સી ડિવિઝનના સ્ટાફે પીઆઈ એન.બી. ડાભીની સૂચનાથી દરોડો પાડતા જીજે-૮-એટી ૨૭૦૪ નંબરની રિક્ષા મળી આવી હતી.

આ રિક્ષામાં બેસી વર્લીના આંકડા લખતા રામભાઈ દેવાભાઈ ચાવડા, બાબુભાઈ ભોવાનભાઈ ભારથી, જયસુખ શાંતિલાલ સોનગરા, કરશનભાઈ હરદાસભાઈ ગોજીયા, અકબર મામદ ખીરા નામના પાંચ શખ્સ મળી આવ્યા હતા. રૂ।.૧૦૩૨૦ રોકડા, ચાર મોબાઈલ, રૂ।.૫૦ હજારની રિક્ષા મળી કુલ રૂ।.૮૦૩૨૦નો મુદ્દામાલ કબજે કરી પોલીસે વર્લીના આંકડા લખેલી ડાયરી પણ ઝબ્બે લીધી છે.

જો આપને આ પોસ્ટ ગમી હોય તો શેર કરો...