Author: નોબત સમાચાર
કામના ભારણ કે ઉતાવળથી વધુ પડતી ગોળી ગળી લેનાર વિદ્યાર્થિની ડિસ્ચાર્જ
તબીબી વિદ્યાર્થિનીના પરિવારજનો જામનગર દોડી આવ્યાઃ
જામનગર તા. ૧૭: જામનગરની જી.જી. હોસ્પિટલમાં ઈન્ટર્ન તબીબ તરીકે સેવા આપવાની સાથે મેડિકલ કોલેજમાં અભ્યાસ કરતી વિદ્યાર્થિનીએ ગઈકાલે માથું દુખતા ઉતાવળમાં એક સાથે ત્રણ-ચાર ગોળી ગળી લેતા તેણી બેભાન બની ગઈ હતી. સારવારમાં ખસેડાયા પછી આ વિદ્યાર્થિનીને હોસ્પિટલમાંથી રજા આપવામાં આવી છે. તેણીના અન્ય શહેરમાં રહેતા પરિવારજનો જામનગર દોડી આવ્યા છે.
જામનગરની જી.જી. હોસ્પિટલમાં ઈન્ટર્ન તબીબ તરીકે કામ કરતી એક તબીબી વિદ્યાર્થિનીએ ગઈકાલે ઉતાવળથી કે અન્ય કોઈ રીતે વધુ પડતી ગોળીઓ ગળી લેતા તેણીને સારવાર માટે દાખલ કરવામાં આવી હતી.
હોસ્પિટલમાં એક વિભાગમાં અભ્યાસ કરવાની સાથે ઈન્ટર્ન તબીબ તરીકે સેવા આપતી રીયા ગિનોયા (ઉ.વ.રર) નામની વિદ્યાર્થિનીએ ઉતાવળમાં કે અન્ય કોઈ કારણથી ત્રણથી ચાર ગોળીઓ એકસાથે ગળી લેતા તેની વિપરીત અસર થવાના કારણે બેભાન બની ગઈ હતી.
આ વિદ્યાર્થિનીને સારવાર માટે આઈસીયુમાં ખસેડવામાં આવ્યા પછી ગણતરીની કલાકોમાં તેણીની તબીયતમાં સુધારો જોવા મળ્યો હતો. બીજા શહેરમાં વસવાટ કરતા આ વિદ્યાર્થિનીના પરિવારને જાણ કરી દેવામાં આવતા તેઓ મોડીરાત્રે જામનગર આવી પહોંચ્યા હતા. હાલમાં આ વિદ્યાર્થિનીની તબીયત સુધારા પર હોવાથી તેણીને ડિસ્ચાર્જ કરવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
