Author: નોબત સમાચાર
ભેંસની દવા લેવા આવેલા યુવાનને મેડિકલ સંચાલક સહિત ત્રણે ધમારી હડધૂત કર્યાે
ઈશારો કરવાની ના પાડતા છ વ્યક્તિએ કર્યાે હુમલોઃ
જામનગર તા. ૩૦: દ્વારકા તાલુકાના કુરંગા ગામમાં એક મકાન પાસે ઉભો રહી એક શખ્સ ઈશારા કરતો હતો તેને ટપારાતા એક મહિલા સહિત છ વ્યક્તિએ લાકડી-પાઈપ, કુહાડાથી હુમલો કરી માર માર્યાની પોલીસમાં ફરિયાદ કરાઈ છે. જયારે રાણ ગામમાં ભેંસની દવા લેવા મેડિકલે ગયેલા એક યુવાનને મેડિકલસંચાલક સહિત ત્રણે ગાળો ભાંડી જ્ઞાતિ પ્રત્યે હડધૂત કર્યાની ફરિયાદ કરાઈ છે.
દ્વારકા તાલુકાના કુરંગા ગામમાં રહેતા રામાભાઈ ઘેલાભાઈ વારસાકીયા કાલે સવારે પોતાના ભાઈ દાનાભાઈના ઘેર જતા હતા ત્યારે તેમના ઘરની ડેલી પાસે ઉભો રહી અરજણ મેઘાભાઈ વારસાકીયા ઈશારા કરતો હતો. તે શખ્સને રામાભાઈએ ટપારતા અરજણ તેમજ વરજાંગ અરજણ, દેવશી અરજણ, જેસલ અરજણ, માલાભાઈ અરજણ અને વેજીબેન અરજણ નામના છ વ્યક્તિએ પાઈપ-લાકડીથી હુમલો કરી માર મારવા ઉપરાંત ગલીમાંથી બીજીવાર નીકળશો તો પતાવી દઈશું તેવી ધમકી આપતા દ્વારકા પોલીસ મથકમાં રામાભાઈએ ફરિયાદ કરી છે.
કલ્યાણપુર તાલુકાના રાણ ગામના વાડી વિસ્તારમાં રહેતા બાબુભાઈ કારાભાઈ વારસાકીયા નામના યુવાન ગઈકાલે સવારે અશ્વિન સોનગરાના મેડિકલે ભેંસની દવા લેવા ગયા હતા. ત્યારે અશ્વિન સોનગરા, પ્રવીણ તેમજ અશ્વિનના પુત્રએ ગાળો ભાંડી જ્ઞાતિ પ્રત્યે હડધૂત કરવા ઉપરાંત ઢીકાપાટુનો માર મારી ઈજા પહોંચાડી હતી કલ્યાણપુર પોલીસે એટ્રોસિટી એક્ટ તેમજ બીએનએસની કલમો હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
