Author: નોબત સમાચાર
બેડીમાં પિતા-પુત્રએ રોકી તરૂણને ગાળો ભાંડ્યા પછી ત્રીજા શખ્સે ફડાકો ઝીંક્યો
તરૂણના ભાઈને પતાવી દેવાની અપાઈ ધમકીઃ
જામનગર તા. ૮: જામનગરના બેડી વિસ્તારમાં ગઈકાલે સાંજે એક તરૂણને રોકી પિતા-પુત્રએ ગાળો ભાંડી તેના ભાઈને પતાવી દેવાની ધમકી આપી હતી. તે પછી અન્ય એક શખ્સે પણ આ તરૂણને રોકી ગાળો ભાંડ્યા પછી ફડાકો ઝીંક્યો હતો.
જામનગરના બેડી વિસ્તારમાં ફારૂક-એ-આઝમ ચોકમાં રહેતા મહંમદજાફર રઝાક પલેજાનો નાનોભાઈ ગઈકાલે સાંજે બેડીની દીવેલીયા ચાલી પાસેથી જતો હતો ત્યારે શૌકત ઉમર સાયચા તથા તેના પુત્ર અયાને રોકી લીધો હતો. અહીંથી કેમ નીકળ્યો તેમ કહી પિતા-પુત્રએ ગાળો ભાંડી હતી અને શૌકત ઉમરે તારા મોટાબાપુ વકીલ હારૂન પલેજાને પાડી દીધા છે, હવે તારા ભાઈ નુરમામદ પલેજાનો વારો છે તેમ કહી ધમકી આપી હતી.
ત્યારપછી ત્યાંથી નીકળી ગયેલા આ તરૂણને રસ્તામાં જાવિદ ઉમર સાયચાએ રોકી મારા ભત્રીજાને હેરાન કેમ કરશ તેમ કહી ગાળો ભાંડ્યા પછી ફડાકો ઝીંકી દીધો હતો. સિટી બી ડિવિઝન પોલીસ સ્ટેશનમાં મહંમદજાફરે ફરિયાદ નોંધાવી છે. પોલીસે ત્રણેય શખ્સ સામે ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
