Author: નોબત સમાચાર
ઓશવાળ એજ્યુ. ટ્રસ્ટના કાર્યક્રમમાં મચેલા હોબાળા અંગે ટ્રસ્ટ દ્વારા પત્રકારો સાથે યોજવામાં આવી બેઠક
આગામી દિવસોમાં આ પ્રકરણ વધુ ઘેરૂ બને તેવા અણસારઃ
જામનગરમાં છેલ્લા ૪૩ વર્ષથી ઓશવાળ એજ્યુકેશન ટ્રસ્ટ દ્વારા પોસ્ટ ગ્રેજ્યુએટ સુધીના અભ્યાસક્રમો ચલાવાઈ રહ્યા છે. જેમાં ૪ હજાર જેટલા વિદ્યાર્થી અભ્યાસ કરે છે. તે ઉપરાંત ટ્રસ્ટ દ્વારા લાખાબાવળમાં ૮૦ પથારીનું નેચરોપેથી સેન્ટર ચલાવાઈ રહ્યું છે. આ સંસ્થાના પૂર્વ ચેરમેન કાંતિલાલ લખમશી હરીયાના નિધન પછી તેમના નાનાભાઈ જયંતિભાઈ હરીયા ચેરિટી કમિશનરના આદેશથી ચેરમેનપદે આરૂઢ થયા છે. તેમના પત્ની કંચનબેનને કાયમી ટ્રસ્ટી બનાવી દેવામાં આવ્યા છે. તે દરમિયાન ગયા શુક્રવારે આ સંસ્થાના કેટલાક વિદ્યાર્થીઓને પદવીદાન માટેનો સમારોહ યોજાયો હતો ત્યારે જયંતિભાઈના પુત્રી જીજ્ઞાબેન હરીયાએ સ્ટેજ પરથી ઉતરી જવા માટે આ સંસ્થાના આમંત્રિત ટ્રસ્ટી જીનેશભાઈ એફ. શાહને જણાવી તે માટે દુરાગ્રહ સેવતા હોબાળો મચ્યો હતો. આ બાબતે ગઈકાલે ટ્રસ્ટ દ્વારા પત્રકારો સાથે વાતચીત કરવામાં આવી હતી અને જીજ્ઞાબેન હરીયાના વર્તન અને તેમાં તેમના માતા-પિતા દ્વારા આપવામાં આવેલાા મુક સહયોગને વખોડી કાઢવામાં આવ્યો હતો. આમંત્રિત ટ્રસ્ટી જીનેશ શાહે જીજ્ઞાબેન સામે માનહાની બદલ કાનૂની કાર્યવાહી કરાઈ રહી છે તેમ જણાવી હવે પોતે ટ્રસ્ટી તરીકે આરૂઢ થશે જ, કોણ રોકે છે? તે જોઈ લઈશું તેમ કહેતા આગામી દિવસોમાં આ પ્રકરણ વધુ ગાઢ બને તેમ લાગી રહ્યું છે. ગઈકાલે ટ્રસ્ટના ૧૧ ટ્રસ્ટીમાંથી નવ ટ્રસ્ટીઓ પત્રકારો સમક્ષ હાજર રહ્યા હતા અને ગેરહાજર ટ્રસ્ટીઓ ઓનલાઈન રહી વર્ચ્યુલ હાજરી પુરાવી રહ્યા હતા. જીજ્ઞાબેન સામે બે મહિનામાં બે વખત પોલીસ સમક્ષ અરજી કરાયાનું પણ હાજર ટ્રસ્ટીઓએ જણાવ્યું હતું. ઉલ્લેખનીય છે કે, સ્વ. કાંતિલાલ લખમશી તથા જે તે વખતે મેનેજીંગ ટ્રસ્ટી તરીકે મુકવામાં આવેલા આર.કે. શાહનો આ સંસ્થાને નિખારવામાં અને જામનગરને શિક્ષણક્ષેત્રે અનેરૂ નજરાણું આપવામાં સિંહફાળો રહેલો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
