Author: નોબત સમાચાર
ધરાર પ્રેમસંબંધ રાખવાનું કહી યુવતી પર શખ્સે છરાથી આઠ ઘા ઝીંકી દીધા
હુમલાખોરના પિતા તથા ભાઈએ પણ આપી ધમકીઃ
ખંભાળિયા તા. રઃ ખંભાળિયામાં વસવાટ કરતી એક યુવતીને ધરાર પ્રેમસંબંધ રાખવા માટે પાછળ પડેલા એક શખ્સે ગઈરાત્રે છરાના આઠ ઘા ઝીંકી દેતા ઘવાયેલી યુવતીને હોસ્પિટલમાં ખસેડવામાં આવી છે. આ વેળાએ તે શખ્સના ભાઈ તથા પિતાએ પણ તલવાર-ધોકો બતાવી ધમકી આપી હતી.
ખંભાળિયાના સંજયનગર વિસ્તારમાં વસવાટ કરતા બાવીસ વર્ષના યુવતી ગઈકાલે રાત્રે પોતાના ઘર તરફ જતા હતા ત્યારે સંજય નગરમાં જ રહેતો વિશાલ સોમાભાઈ પારીયા નામનો શખ્સ ધસી આવ્યો હતો.
અવારનવાર આ યુવતીનો પીછો કરતા રહેતા અને પ્રેમ સંબંધ બાંધવા માટે દબાણ કરતા વિશાલે ગઈકાલે રાત્રે ફરીથી સંબંધ શરૂ કરવા વાત કરતા આ યુવતીએ ઈન્કાર કર્યાે હતો. ઉશ્કેરાયેલા વિશાલે સંબંધ નહીં રાખ તો તને મારી નાખીશ તેમ કહ્યા પછી પોતાની પાસે રહેલો છરો બહાર કાઢી આ યુવતીના હાથ, છાતી તથા પેટમાં આઠેક જેટલા ઘા ઝીંકી દીધા હતા. આ યુવતીએ બૂમો પાડતા ત્યાં હાજર લોકો દોડી આવ્યા હતા.
આ વેળાએ વિશાલ પારીયાના પિતા સોમાભાઈ પારીયા અને ભાઈ વિનોદ પારીયા પણ આવી ચડ્યા હતા. આ શખ્સોએ ધોકો તથા તલવાર બતાવી ધમકી આપી હતી. તે પછી ત્રણેય શખ્સ નાસી ગયા હતા. લોહી લુહાણ યુવતીને ખંભાળિયા હોસ્પિટલમાં ખસેડવામાં આવી છે. જ્યાંથી તેણીએ પોલીસમાં ફરિયાદ નોંધાવતા પીએસઆઈ વી.આર. વસાવા એ ગુન્હો નોંધી આરોપીઓના સગડ દબાવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
