Author: નોબત સમાચાર
વર્તમાન પરિસ્થિતિ પર નજર રાખવા ઓખાના દરિયામાં શરૃ કરાયું પેટ્રોલિંગ
સ્ટેટ ઈમરજન્સી ઓપરેશન સેન્ટરમાં ગૃહમંત્રી ઉપસ્થિતઃ
જામનગર તા. ૯ઃ દેશમાં પ્રવર્તી રહેલી વર્તમાન સ્થિતિ વચ્ચે ઓખાના દરિયામાં સઘન પેટ્રોલિંગ શરૃ કરવામાં આવ્યું છે. જેમાં કોસ્ટગાર્ડ, મરીન પોલીસ જોડાયા છે. માછીમારો તથા સ્થાનિકોને સૂચનાઓ આપવામાં આવી છે તે દરમિયાન ગાંધીનગરમાં શરૃ કરાયેલા સ્ટેટ ઈમરજન્સી ઓપરેશન સેન્ટરમાં ગઈકાલે રાજય ગૃહમંત્રી દ્વારા તમામ જિલ્લાના કલેક્ટર, એસપી સાથે ટેલિફોનિક વાતચીત કરવા ઉપરાંત સાવચેતીના પગલાંની સૂચના અપાઈ છે.
હાલમાં પ્રવર્તી રહેલી યુદ્ધની પરિસ્થિતિ વચ્ચે ગુજરાત રાજ્યના સરહદી જિલ્લા દ્વારકામાં સુરક્ષા બંદોબસ્ત વધુ સઘન બનાવવામાં આવ્યો છે. ઓખાના દરિયામાં કોસ્ટગાર્ડ તથા મરીન પોલીસ દ્વારા ઘનિષ્ઠ પેટ્રોલિંગ શરૃ કરી દેવામાં આવ્યું છે.
માછીમારો તથા સ્થાનિક નાગરિકોને સાવચેત રહેવા અને સીમા નજીક ન જવા સૂચના આપવામાં આવી છે. તે ઉપરાંત પોલીસ દ્વારા પણ સઘન ચેકીંગ કરાઈ રહ્યું છે. દેશની વર્તમાન સ્થિતિને ધ્યાને રાખી સરહદી જિલ્લાની પરિસ્થિતિ પર સતત વોચ રાખવા મુખ્યમંત્રી ભૂપેન્દ્ર પટેલ દ્વારા આપવામાં આવેલી સૂચનાના પગલે ગાંધીનગરમાં શરૃ કરાયેલા સ્ટેટ ઈમરજન્સી ઓપરેશન સેન્ટરમાં ગઈકાલે સાંજે રાજ્યના ગૃહમંત્રી હર્ષ સંઘવીના અધ્યક્ષપદે ઈમરજન્સી સમીક્ષા બેઠક યોજાઈ હતી. જેમાં તમામ જિલ્લાના કલેક્ટર, એસપી સાથે ટેલિફોનિક વાત કરી કોઈ પેનિક ન થાય તેની વિશેષ તકેદારી રાખવા સૂચના આપવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
