જામનગરના એફએમસીજી ડિસ્ટ્રીબ્યુટર એસો.ની સાધારણ સભાઃ હોદ્દેદારોની નિમણૂક

Author: નોબત સમાચાર

જામનગરના એફએમસીજી ડિસ્ટ્રીબ્યુટર એસો.ની સાધારણ સભાઃ હોદ્દેદારોની નિમણૂક

આગામી બે વર્ષ માટેના પ્રમુખપદે વ્યોમેશ લાલઃ

જામનગર તા. ૨૨: જામનગર એફએમસીજી ડિસ્ટ્રીબ્યુટર એસોસિએશનની વાર્ષિક સાધારણ સભા તા. ૧૧ ના આતિથ્ય રેસ્ટોરન્ટમાં યોજાઈ હતી, જેમાં નવા બે વર્ષ માટેના હોદ્દેદારોની વરણી કરવામાં આવી હતી. જેમાં આગામી બે વર્ષ ૨૦૨૬-૨૭ના વર્ષ માટે તમામ સભ્યોની ઉપસ્થિતિમાં મીત સેલ્સ એજન્સીવાળા વ્યોમેશભાઈ લાલ પર દરેક સભ્યોએ પોતાનો વિશ્વાસ વ્યક્ત કર્યો હતો, અને તેઓને પ્રમુખ તરીકે પુનઃ રિપીટ કર્યા છે.

આ ઉપરાંત તેઓની સમગ્ર ટીમને પણ સર્વાનુમતે રિપીટ કરવામાં આવ્યા છે. જેમાં મંત્રી તરીકે રેનીશભાઈ પટેલ, ઉપપ્રમુખ કપીલભાઈ નાખવા, સહમંત્રી રવિભાઈ ચાવડા, ખજાનચી દીપકભાઈ ઓઝા, કારોબારી સભ્યમાં નિલેશભાઈ રાયઠઠ્ઠા, મેહુલભાઈ રાયઠઠ્ઠા, કિર્તીભાઈ દવે, ચંદ્રેશભાઈ સદારંગાની, પરેશભાઈ મહેતા અને વિજયભાઈ નાંજરની નિમણૂક કરવામાં આવી છે.

આગામી બે વર્ષના પ્રમુખ તરીકે રિપીટ થયેલા વ્યોમેશ લાલે આવતા બે વર્ષ દરમ્યાન એસોસિએશનને જુદા જુદા કાર્ય થકી આગળ વધવાની ઈચ્છા દર્શાવી હતી, જેનું દરેક હાજર રહેલા સભ્યોએ હાથ ઊંચા કરીને સમર્થન આપ્યું હતું. જેના પ્રથમ પ્રયાસરૂપે ફેબ્રુઆરી મહિનામાં પારિવારિક પ્રવાસનું આયોજન પણ કરવામાં આવ્યું છે.

જો આપને આ પોસ્ટ ગમી હોય તો શેર કરો...