Author: નોબત સમાચાર
કલ્યાણપુરના ગઢકામાં જુગાર રમતા છ પકડાયાઃ આરંભડામાં ઝડપાયો જુગાર
બરડીયાની વાડીમાંથી તીનપત્તી રમતા છ ઝબ્બેઃ
જામનગર તા. ૨૪: કલ્યાણપુરના ગઢકા ગામમાં મંગળવારની રાત્રે જુગાર રમતા છ શખ્સને પોલીસે પકડી લીધા હતા. દ્વારકાના બરડીયા ગામના ખેતર સ્થિત ઓરડીમાંથી છ તીનપત્તી રમતા ઝડપાયા હતા. જયારે આરંભડાની સીમમાં ગંજીપાનાથી જુગાર રમતા ચાર મહિલા સહિત પાંચને પોલીસે પકડી લીધા હતા.
દેવભૂમિ દ્વારકા જિલ્લાના કલ્યાણપુર તાલુકાના ગઢકા ગામમાં મંગળવારની રાત્રે જાહેરમાં ગંજીપાનાથી જુગાર રમતા નગાભાઈ રામશીભાઈ ચાવડા, દેસુર અરજણભાઈ ચાવડા, ભીમા રામજીભાઈ મધુડીયા, ખીમાભાઈ નારણભાઈ ચાવડા, હરદેવસિંહ ભીખુભા જાડેજા, મોહનભાઈ વજાભાઈ કછેટીયા નામના છ શખ્સ રૂ.૨૦૫૯૦ સાથે પોલીસના દરોડામાં પકડાઈ ગયા હતા.
દ્વારકા તાલુકાના બરડીયા ગામમાં ગઈસાંજે તેજાભાઈ જીવાભાઈ ચાસીયા નામના ખેડૂતના ખેતરમાં દરોડો પાડવામાં આવ્યો હતો. ત્યાં આવેલી એક ઓરડીમાંથી પોલીસે તેજાભાઈ જીવાભાઈ, ખીરાજભા સાજણભા માણેક, ખેતાભાઈ પૂનાભા ચાંડપા, તોરીયાભા આલાભા ભગા, દેવુભા સોમભા માણેક, અબળાભા સામતભા બઠીયા નામના છ શખ્સ તીનપત્તી રમતા મળી આવ્યા હતા. પોલીસે ચાર મોબાઈલ તથા રૂ.૧૧૫૬૦ રોકડા કબજે કરી છએય સામે જુગારધારાની કલમ ૧ર હેઠળ ગુન્હો નોંધ્યો છે. મીઠાપુર નજીક આરંભડા ગામની સીમમાં ગઈકાલે સાંજે ગંજીપાનાથી જુગાર રમતા અબ્દુલ હાસમ પઠાણ, ફાતમાબેન બબાભાઈ બેતારા, ફાતમાબેન હાસમભાઈ પઠાણ, હુસેનાબેન જાકુબ ચના, ફીરોઝાબેન અભુ સોઢા નામના પાંચ વ્યક્તિ રૂ.૪૧૨૦ સાથે પકડાઈ ગયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
