Author: નોબત સમાચાર
બાર વર્ષ પહેલાં રૂ.૧૪ હજારની લાંચ લેતાં ઝડપાયેલા નાયબ ઈજનેરની મુક્તિ
આરોપી પાસેથી લાંચની રકમ મળે તેના આધારે સજા ન થાયઃ
જામનગર તા. ૨૨: જામનગરમાંથી બાર વર્ષ પહેલાં જિલ્લા પંચાયતના જુનિયર એન્જિનિયરને રૂ.૧૪ હજારની લાંચ લેતાં એસીબીએ પકડી પાડ્યા હતા. આ આરોપીએ મોટી વેરાવળ ગામમાં બનતા રસ્તાના કામ માટે લાંચ માંગ્યાનો આરોપ હતો. તે કેસ ચાલી જતાં અદાલતે આરોપીનો છૂટકારો કર્યાે છે.
લાલપુર તાલુકાના મોટી વેરાવળ ગામના રસ્તાના વર્ષ ૨૦૧૩માં કરાઈ રહેલા કામ દરમિયાન જિલ્લા પંચાયતના નાયબ ઈજનેર દયાળજી દેવશીભાઈ ચોથાણીએ રૂ.૧૫ હજાર રોકડા અને બીલની રકમના ચાર ટકા લેખે કોન્ટ્રાક્ટર પાસે લાંચ માંગ્યાની જે તે વખતે એસીબીમાં ફરિયાદ કરાઈ હતી.
કોન્ટ્રાક્ટર દ્વારા રૂ.૧૫ હજાર રોકડા આપી દેવાયા પછી બીલની રકમના ચાર ટકા લેખે રૂ.૧૬ હજારમાંથી રૂ.ર હજાર કપાવી રૂ.૧૪ હજારની રકમ જામનગરમાં ડીકેવી કોલેજ સામે પાનની દુકાન પાસેથી લઈ જવા ઈજનેર ડી.ડી. ચોથાણીને કહેતા ત્યાં પૈસા લેવા આવેલા આ અધિકારીને એસીબી ટીમે પકડી પાડ્યા હતા.
ઉપરોક્ત કેસ જામનગરની કોર્ટમાં ચાલવા પર આવતા અદાલત સમક્ષ આરોપી પક્ષે દલીલ કરી હતી કે, લાંચની માગણી અને લેતીદેતીના વ્યવહાર અંગે વિરોધાભાસી પુરાવા મળ્યા છે, લાંચની માગણી પુરવાન થતી નથી, રૂ.૧૫ હજાર અપાયા છે તે રકમ સેમ્પલના પ્રમાણપત્ર માટે ભરવામાં આવી નથી, તે રકમ લાંચની હોવાનું સાબિત થતું નથી. ઉપરાંત પુરાવાધારાની કલમ ૬૫ (બી)નું પ્રમાણપત્ર રજૂ કરવામાં ફરિયાદ પક્ષ નિષ્ફળ ગયો છે તેવી દલીલ કરાતા અદાલતે તેને ગ્રાહ્ય રાખી આરોપી ડી.ડી. ચોથાણીનો છૂટકારો ફરમાવ્યો છે. આરોપી તરફથી વકીલ ડો. વી.એચ. કનારા તથા એસ.બી. વોરીયા, ડી.એન. ભેડા, વી.ડી. બારડ, આર.એ. સફીયા, આર.ડી. સીસોટીયા, રૃપાબેન વસરા, જે.એમ. નંદાણીયા, પી.ડી. વરૃ, વી.એસ. ખીમાણીયા, જે.એ. નંદાણીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
