રાજકોટ-વાડીનાર ટોલ-વેને રાજ્યકક્ષાનો ''સ્ટેટ રોડ સેફ્ટી'' નો મળ્યો એવોર્ડ!!

Author: નોબત સમાચાર

રાજકોટ-વાડીનાર ટોલ-વેને રાજ્યકક્ષાનો ''સ્ટેટ રોડ સેફ્ટી'' નો મળ્યો એવોર્ડ!!

જામનગર-રાજકોટમાં સમગ્ર રાજ્યમાં રોડ સેફ્ટીમાં પ્રથમઃ

જામનગર તા. ર૧: રાજ્ય સરકાર દ્વારા રાજકોટ-વાડીનાર ટોલ-વે લિમિટેડને 'ગુજરાત સ્ટેટ રોડ સેફ્ટી એવોર્ડ' એનાયત કરાયો છે. વર્ષ ર૦ર૩-ર૪ મા માર્ગ સલામતી ક્ષેત્રે જામનગર અને રાજકોટ જિલ્લામાં કરેલ ઉત્કૃષ્ટ કામગીરી બદલ સમગ્ર રાજ્યમાં પ્રથમ સ્થાન મેળવ્યું છે.

રાજ્યમાં જીવલેણ માર્ગે અકસ્માતો ઘટાડી શકાય તે માટે માર્ગ સલામતી ક્ષેત્રે વર્ષ ર૦ર૩-ર૪ માં કરેલ ઉત્કૃષ્ટ કામગીરીને બિરદાવવા અને પ્રોત્સાહન આપવાના ઉદાત્ત હેતુસર રાજ્ય સરકારના વાહનવ્યવહાર વિભાગ દ્વારા 'ગુજરાત સ્ટેડ રોડ સેફ્ટી એવર્ડ' એનાયત કરવામાં આવે છે.

વાહનવ્યવહાર મંત્રી હર્ષ સંઘવીના અધ્યક્ષસ્થાને ગાંધીનગરમાં ગુજરાત રોડ સેફ્ટી કાઉન્સિલની બેઠક યોજવામાં આવી હતી, જેમાં સ્વૈચ્છિક વ્યક્તિ-સંસ્થાઓ કેટેગરીમાં માર્ગ સલામતી ક્ષેત્રે વર્ષ ર૦ર૩-ર૪ માં કરેલ કામગીરી ધ્યાને લેતા 'ગુજરાત સ્ટેટ રોડ સેફ્ટી એવોર્ડ' માટે રાજકોટ-વાડીનાર ટોલ-વે લિમિટેડ પ્રથમ સ્થાન પ્રાપ્ત કરેલ છે.

માર્ગ સલામતી ક્ષેત્રે જામનગર અને રાજકોટ જિલ્લામાં કરેલ ઉત્કૃષ્ટ કામગીરી બદલ રાજકોટ-વાડીનાર ટોલ-વે લિમિટેડના પ્રોજેક્ટ હેડ ધવલ વ્યાસને મંત્રી હર્ષ સંઘવીના હસ્તે એવોર્ડ એનાયત કરવામાં આવ્યો હતો.

જો આપને આ પોસ્ટ ગમી હોય તો શેર કરો...