Author: નોબત સમાચાર
જામનગર તથા કાલાવડના ખંઢેરામાં પોલીસના દરોડામાં ઝડપાયો ઈંગ્લીશ દારૃ
જામજોધપુરનો શખ્સ દેશી દારૃ સાથે ઝડપાયોઃ
જામનગર તા. ૯ઃ જામનગરના તળાવની પાળ તથા કાલાવડ નાકા વિસ્તારમાંથી બે શખ્સ ઈંગ્લીશ દારૃની ત્રણ બોટલ સાથે ઝડપાયા છે. કાલાવડના ખંંઢેરામાં એક ઓફિસમાંથી અંગ્રેજી શરાબની ચાર બોટલ પકડાઈ છે. જામજોધપુરના એક શખ્સને પોલીસે ૫૦ લીટર દેશી દારૃ સાથે ઝડપી લીધો છે.
જામનગરના રણમલ તળાવ પાછળના ભાગમાંથી ગઈકાલે સાંજે પસાર થતાં દિગ્જામ વુલન મીલ નજીકના ખેતીવાડી ફાર્મ પાસે રાવલ વાસમાં રહેતા શ્રીકાંત વિજય પરમાર નામના શખ્સને રોકી પોલીસે ચેક કરતા આ શખ્સ પાસેથી ઈંગ્લીશ દારૃની બે બોટલ મળી આવી હતી.
કાલાવડ નાકા વિસ્તારમાં ગઈરાત્રે પસાર થતાં દિ. પ્લોટ શેરી નં.પપવાળા ભાવિક વિનોદભાઈ ભદ્રા નામના શખ્સને રોકી લઈ પોલીસે ચેક કરતા તેની પાસેથી દારૃની બોટલ મળી આવી હતી.
કાલાવડ તાલુકાના ખંઢેરા ગામમાં એક શખ્સની ઓફિસમાં દારૃની બોટલ રાખવામાં આવી હોવાની વિગત મળતા કાલાવડ ગ્રામ્ય પોલીસ સ્ટેશનના સ્ટાફે ગઈ રાત્રે પરાક્રમસિંહ રાજેન્દ્રસિંહ જાડેજાની ઓફિસમાં દરોડો પાડી તલાશી લીધી હતી જેમાં વ્હીસ્કીની ચાર બોટલ મળી આવી હતી.
જામજોધપુર તાલુકાના જસાપર ગામથી ગોરખડી ગામ તરફ ગઈકાલે સાંજે જઈ રહેલા મોટી ભરડ ગામના ધવલ ઉકાભાઈ અજુડીયા નામના શખ્સ પાસેથી ઈંગ્લીશ દારૃની અડધી બોટલ સાંપડી હતી. જામજોધપુર શહેરના આંબેડકરનગર નજીક વાલ્મિકીવાસમાં રહેતા વાઢેર જીતેન્દ્ર ધીરજભાઈ નામના શખ્સના કબજામાંથી વેચાણ માટે રાખવામાં આવેલા ૫૦ લીટર દેશી દારૃને પોલીસે ઝબ્બે લીધો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
