દુષ્કર્મના ગુન્હામાં આરોપીને સજા પછી હાઈકોર્ટમાં કરાઈ અપીલઃ જામીન મંજૂર

Author: નોબત સમાચાર

દુષ્કર્મના ગુન્હામાં આરોપીને સજા પછી હાઈકોર્ટમાં કરાઈ અપીલઃ જામીન મંજૂર

સેશન્સ કોર્ટે ફટકારી છે દસ વર્ષની કેદની સજાઃ

જામનગર તા. ૮: ખંભાળિયાના ધરમપુર ગામના એક શખ્સને દુષ્કર્મના ગુન્હામાં સજા ફટકારાયા પછી આરોપીએ રાજ્યની વડી અદાલતમાં અપીલ કરતા અદાલતે તેને રૂ. ૧૫ હજારના જામીન પર મુક્ત કરવાનો હુકમ કર્યાે છે.

ખંભાળિયા તાલુકાના ધરમપુર ગામના વસરામભાઈ જેઠાભાઈ કછેટીયા નામના શખ્સ સામે દુષ્કર્મ ગુજાર્યાની જે તે વખતે પોલીસમાં ફરિયાદ કરાઈ હતી. આ શખ્સે લીમડો લેવા આવેલી એક યુવતીને દબોચી લઈ ઘરમાં લઈ ગયા પછી દુષ્કર્મ ગુજારી અવારનવાર ધમકી આપી દુષ્કર્મનો સિલસિલો શરૂ કર્યાે હતો. પોલીસે ગુન્હો નોંધી આરોપીની ધરપકડ કરી ચાર્જશીટ કર્યું હતું.

તે કેસ ચાલી જતાં અદાલતે આરોપી વસરામ જેઠાભાઈને તક્સીરવાન ઠરાવી દસ વર્ષની સખત કેદની સજા અને રૂ. ૧૦ હજારનો દંડ ફટકાર્યાે હતો. તે ઉપરાંત આઈપીસી ૫૦૨ (ર)ના ગુન્હામાં બે વર્ષની કેદ અને રૂ. રપ૦૦નો દંડ ફટકારાયો હતો.

સજાના હુકમ સામે આરોપીએ હાઈકોર્ટ સમક્ષ અપીલ નોંધાવતા અદાલતે અપીલ સ્વીકારી આરોપીને રૂ. ૧૫ હજારના જામીન પર મુક્ત કરવાનો હુકમ કર્યાે છે. આરોપી તરફથી વકીલ અલ્પેશ વાડોદરીયા, મીત પાનસુરીયા, અમિત કપુરીયા, નીતિન નકુમ રોકાયા છે.

જો આપને આ પોસ્ટ ગમી હોય તો શેર કરો...