Author: નોબત સમાચાર
જામનગરમાં બાળકી સાથે અણછાજતા અડપલા કરનાર ઢગાને પાંચ વર્ષની કેદ
બાળકીને વળતર પેટે ચૂકવાશે રૂ.૫૦ હજારઃ
જામનગર તા. ર૯: જામનગરના ગોકુલનગરમાં રહેતા એક શખ્સે ત્રણ વર્ષ પહેલાં પાંચેક વર્ષની એક બાળકીને ઘરમાં બોલાવી તેણી સાથે અણછાજતા અડપલા કર્યા હતા. પોલીસમાં તેની ફરિયાદ કરાતા આઈપીસી તથા પોક્સો એક્ટ હેઠળ ગુન્હો નોંધાયો હતો. આ કેસ ચાલી જતાં અદાલતે આરોપીને પાંચ વર્ષની સજા ફટકારી છે.
જામનગરના ગોકુલનગર વિસ્તારમાં આવેલી સાયોના શેરીમાં રહેતા પ્રવીણ આણંદભાઈ ખાંટ નામના સતાવન વર્ષના શખ્સે ગઈ તા.૨૦-૩-રરના દિને સાંજે આઠેક વાગ્યે પોતાના ઘર પાસે રમી રહેલી પાંચેક વર્ષની એક બાળકીને ચોકલેટ આપવાની લાલચ બતાવી પોતાના ઘરમાં બોલાવી હતી.
આ બાળકી સાથે પ્રવીણે અણછાજતા અડપલા કરી આ વાત કોઈને ન કરવાની અને તેના મમ્મી-પપ્પાને મારવાની ધમકી આપી હતી. તે પછી આ બાળકીએ પોતાના પરિવારને તેની જાણ કરી હતી અને પોલીસમાં ફરિયાદ કરાતા સિટી સી ડિવિઝન પોલીસે પોક્સો એક્ટ તથા આઈપીસી કલમો હેઠળ ગુન્હો નોંધ્યો હતો. ઉપરોક્ત કેસ જામનગરની ખાસ પોક્સો અદાલતમાં ચાલવા પર આવ્યો હતો.
અદાલતે બંને પક્ષની દલીલો સાંભળ્યા પછી આરોપી પ્રવીણ આણંદભાઈ ખાંટને તક્સીરવાન ઠરાવી પાંચ વર્ષની સખત કેદની સજા ફટકારી છે. સગીરાને કમ્પેઈન્સેશનમાંથી રૂ.૫૦ હજાર ચૂકવવામાં આવશે. સરકાર તરફથી વકીલ ભારતીબેન વાદી રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
