બાલાચડીની સૈનિક સ્કૂલના ચોસઠમા વાર્ષિક ઉત્સવની ભવ્ય ઉજવણી

Author: નોબત સમાચાર

બાલાચડીની સૈનિક સ્કૂલના ચોસઠમા વાર્ષિક ઉત્સવની ભવ્ય ઉજવણી

સાંસ્કૃતિક કાર્યક્રમ, શ્રેષ્ઠ કેડેટોનું સન્માન, સ્કૂલના મેગેઝિનની ડિજિટલ આવૃત્તિનું વિમોચન

બાલાચડીની સૈનિક સ્કૂલના ૬૪મા વાર્ષિકોત્સવની ભવ્ય ઉજવણી કરવામાં આવી હતી. શાળાના આચાર્ય કર્નલ શ્રેયસ મહેતાના હસ્તે કાર્યક્રમનો આરંભ કરાયો હતો. તેમણે શાળાનો વાર્ષિક અહેવાલ રજૂ કર્યો હતો. શાળાના કેડેટોએ સાંસ્કૃતિક કાર્યક્રમ રજૂ કર્યો હતો. જેમાં કેડેટ રીયા, ચૈત્રા, શ્રેષ્ઠા જાડેજા, હેત્યારાજસિંહ જાડેજા તથા અન્ય કેડેટો દ્વારા વિવિધ કૃતિઓ રજૂ કરવામાં આવી હતી. શૈક્ષણિક અને અન્ય પ્રવૃત્તિઓમાં સિદ્ધિ પ્રાપ્ત કરનારા કેડેટનું સન્માન કરાયું હતું. જેમાં ટાગોર હાઉસના કેડેટ આદર્શકુમાર તથા શિવાજી હાઉસના પ્રિન્સ કાથરોટીયા, શિવ કનારાનું વિશેષ સન્માન કરાયું હતું. આ ઉપરાંત બેસ્ટ હાઉસ ટ્રોફી આપવામાં આવી હતી. શહીદ કેપ્ટન નિલેષ સોની મેડલ તીર્થ પટેલને, પ્રિન્સ રાજ, યુવરાજસિંહ, અર્પિતા હળદકર, રૂદ્ર ચૌધરી, ધ્વની બોરાડ, અભયરાજ, જશ કપોપરા, શિવમ ગવર, જય માણેક, શ્રેષ્ઠાબા જાડેજા વગેરેનું પણ વિશેષ સન્માન કરાયું હતું. આ પ્રસંગે એનડીએ -'પાલન મન', 'પ્રદર્શન કઠોરતા', 'ગ્લોરી પ્રાપ્ત કરવી' થીમ પર આધારિત શાળા મેગેઝિન 'સંદેશક ૨૦૨૪-૨૫'ના ડિજિટલ સંસ્કરણનું આચાર્ય દ્વારા વિમોચન કરવામાં આવ્યું હતું. શાળાના વાઈસ પ્રિન્સીપાલ સ્ક્વોડ્રન લર્ડ રાકેશ તિવારી દ્વારા આભારવિધિ કરવામાં આવી હતી.

જો આપને આ પોસ્ટ ગમી હોય તો શેર કરો...