Author: નોબત સમાચાર
મજૂરીકામ માટે મધ્યપ્રદેશથી આવીને રહેતા પરિવારની પાંચ વર્ષની પુત્રીનું થયું અપહરણ
બાઈકમાં બેસાડી લઈ જવાઈઃ એક ઓળખાયોઃ
જામનગર તા. ૨૯: ધ્રોલના ગરેડીયા ગામમાં એક ખેતરમાં મજૂરીકામ માટે આવીને રહેતા મૂળ મધ્યપ્રદેશના પરિવારની પાંચ વર્ષની પુત્રી ગઈકાલે બપોરે ભેદી સંજોગોમાં ગુમ થઈ જતાં તેના પરિવારે ઉચ્ચક શ્વાસે આ બાળકીની શોધ શરૂ કર્યા પછી મૂળ મધ્યપ્રદેશનો એક શખ્સ અને તેનો સાગરિત આ બાળકીને બાઈકમાં બેસાડીને ઉપાડી જતા જણાઈ આવ્યા હતા. પોલીસે ગુન્હો નોંધી તે વિસ્તારમાં મૂકવામાં આવેલા સીસીટીવી ફૂટેજ ચકાસી તપાસનો ધમધમાટ શરૂ કર્યાે છે.
આ કિસ્સાની વધુ વિગત મુજબ ધ્રોલ તાલુકાના ગરેડીયા રોડ પર સંજયભાઈ જયંતિભાઈ નામના આસામીના ખેતરમાં મજૂરીકામ માટે આવીને રહેતા મૂળ મધ્યપ્રદેશના અલીરાજપુર જિલ્લાના કોયાપુટી ફળીયાના રહેવાસી માંગુભાઈ સુંદરીયા પચાયા નામના શ્રમિકની સાથે તેમના પત્ની અને પાંચ વર્ષના પુત્રી સહિતના વ્યક્તિઓ આવીને વસવાટ કરતા હતા.
તે દરમિયાન ગઈકાલે બપોરે પોણા બેએક વાગ્યે માંગુભાઈની પુત્રી ક્યાંય જોવા ન મળતા પરિવારજનોએ આ બાળકીની શોધખોળ શરૂ કરી હતી. તેમ છતાં તેણીનો પત્તો નહીં લાગતા હાંફળા ફાંફળા બનેલા પિતાએ પોલીસની મદદ માંગી હતી.
દોડી ગયેલી ધ્રોલ પોલીસની ટીમે પીઆઈ એચ.વી. રાઠોડની સૂચના મુજબ ત્યાં મૂકવામાં આવેલા કેટલાક સીસીટીવી કેમેરાના ફૂટેજ ચકાસ્યા હતા. જેમાં મોટરસાયકલ પર આવેલા બે શખ્સ પોણા બે વાગ્યાથી અઢી વાગ્યા દરમિયાન આ બાળકીને મોટરસાયકલમાં બેસાડીને લઈ જતા જોવા મળ્યા હતા. તે ફૂટેજ માંગુભાઈ પચાયાને બતાવવામાં આવતા તેઓએ મોટરસાયકલ પર જઈ રહેલા મૂળ મધ્યપ્રદેશના અલીરાજપુર જિલ્લાના કઠીવાડા તાલુકાના પંગુડા ગામના કાજુ હટુ બુંદેડીયાને ઓળખી બતાવ્યો હતો.
આ શખ્સ ઉપરાંત તેની સાથે રહેલો અન્ય એક શખ્સ આ બાળકીને કોઈ રીતે ફોસલાવીને મોટરસાયકલમાં બેસાડી પોતાની સાથે લઈ જતા હોવાનું જણાઈ આવતા માંગુભાઈએ ધ્રોલ પોલીસ સ્ટેશનમાં ફરિયાદ નોંધાવી છે. પોલીસે બીએનએસની કલમ ૧૩૭ (ર), પ૪ હેઠળ બંને શખ્સ સામે ગુન્હો રજીસ્ટર કરાવ્યો છે. પોલીસે બંને શખ્સના સગડ દબાવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
