Author: નોબત સમાચાર
ભાણવડના કારખાનામાંથી બાર જીવંત સૂર્ય કાચબા સાથે એક શખ્સની અટકાયત કરતી એસઓજી ટીમ
તાંત્રિકવિધિમાં મૂકવામાં આવતા સૂર્ય કાચબાની કિંમત પાંચેક લાખઃ
જામનગર તા. ૨૩: ભાણવડ પંથકમાં ગઈકાલે એસઓજી ટીમને પેટ્રોલિંગ વખતે મળેલી બાતમીના આધારે ભાણવડ શહેરમાં એક કારખાનામાં દરોડો પાડવામાં આવ્યો હતો. ત્યાંથી જીવતા બાર સૂર્ય કાચબા મળી આવ્યા હતા. કાચબા ઝબ્બે લઈ એસઓજીએ ભાણવડ પોલીસ મથકમાં વન્યપ્રાણી સંરક્ષણ અધિનિયમ હેઠળ ગુન્હો રજીસ્ટર કરાવ્યો છે.
દેવભૂમિ દ્વારકા જિલ્લાના ભાણવડ પંથકમાં ગઈકાલે દ્વારકા એસઓજીની ટીમ પીઆઈ કે.કે. ગોહિલની સૂચનાથી પેટ્રોલિંગ કરી રહી હતી. જેમાં પીએસઆઈ ડી.એ. વાળા તથા સ્ટાફ સાથે હતા. આ ટીમ ભાણવડમાં સાકરીયા કૂવા પાસે પહોંચી ત્યારે એક શખ્સ પોતાના કારખાનામાં સૂર્ય કાચબા (સ્ટાર ટર્ટલ)નું વેચાણ કરતો હોવાની વિગતો મળી હતી.
ઉપરોક્ત વિગતના આધારે એસઓજી ટીમે સાકરીયા કૂવા રોડ પર બરફના જૂના કારખાના સામે વિજય રેફ્રીજરેશન નામના કારખાનાના વાડામાં દરોડો પાડ્યો હતો. જ્યાં અર્જુન વિજયભાઈ ભગાણી નામનો શખ્સ મળી આવ્યો હતો. તેના કારખાનાની તલાશી લેવાતા ત્યાંથી ૧ર સૂર્ય કાચબા મળી આવ્યા હતા. તે કાચબા કબજે કરી એસઓજી ટીમે તેની પૂછપરછ કરતા આ શખ્સે તે કાચબા વેચાણ કરવાના ઈરાદાથી ત્યાં રાખ્યા હોવાનંુ બહાર આવ્યું છે. આ શખ્સ સામે ભાણવડ પોલીસ સ્ટેશનમાં પ્રાણી સંરક્ષણ અધિનિયમ-૧૯૭૨ હેઠળ ગુન્હો રજીસ્ટર કરાવવામાં આવ્યો છે.
લોકમૂખે ચર્ચાતી વિગતો મુજબ સૂર્ય કાચબાનો ઉપયોગ કેટલાક તાંત્રીકો તાંત્રિકવિધિ માટે કરતા હોય છે. તેના કારણે અર્જુને આ કાચબા કોઈપણ રીતે, ક્યાંયથી પણ મેળવ્યા પછી વેચાણ માટે પોતાની પાસે રાખ્યા હતા અને તેની વિગતો પોલીસ સુધી પહોંચી જતા આ બનાવ પ્રકાશમાં આવવા પામ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
