Author: નોબત સમાચાર
ભાગીદારીમાં ખરીદેલી જગ્યાના ભાવ આસમાને જતાં નગરના આસામીને ઉદ્યોગપતિએ ધમકી આપ્યાની રાવ
ભાગીદાર તથા તેના ભાઈને ત્રણ વર્ષ સુધી ધમકાવ્યા પછી કરાઈ ફરિયાદઃ
જામનગર તા. ૨૮: જામનગરના એક ઉદ્યોગપતિ સામે તેના જ ભાગીદારે ધમકી આપી ગાળો ભાંડ્યાની ફરિયાદ પોલીસમાં નોંધાવી છે. અગાઉ આ આસામી તથા ઉદ્યોગપતિએ કેટલીક જગ્યાએ જમીનો ખરીદ કરી હતી તેના ભાવ હાલમાં આસમાને પહોંચ્યા છે ત્યારે ઉદ્યોગપતિએ તેમાં ભાગ ન આપવો પડે તેવા હેતુથી આ આસામી તથા તેના ભાઈને છેલ્લા ત્રણેક વર્ષમાં જુદી જુદી જગ્યાએ બોલાવી ધાકધમકી આપી હોવાની કેફિયત સાથે ફરિયાદ કરાતા પોલીસે ગુન્હો નોંધી તપાસ શરૂ કરી છે.
જામનગરના પંડિત નહેરૂ માર્ગ પર આવેલી પંચવટી સોસાયટીમાં મયુર બાગ શેરી નં.૫ાંચમાં રહેતા અશોકભાઈ દેવશીભાઈ અકબરી નામના આસામીએ જામનગરના બેડેશ્વર વિસ્તારમાં જનક ઓઇલ મીલ નામની તેલની ફેક્ટરી ચલાવતા વિશાલ મહેન્દ્રભાઈ મોદી સામે પંચકોશી બી ડિવિઝન પોલીસ સ્ટેશનમાં ફરિયાદ નોંધાવી છે.
ફરિયાદમાં જણાવવામાં આવ્યા મુજબ અગાઉ અશોકભાઈ તથા વિશાલ મોદી જુદી જુદી જગ્યાએ આવેલી મિલકતોમાં પાર્ટનર તરીકે કામ કરતા હતા. તે પછી આ મિલકતોના ભાવ વધી જતાં વિશાલ મોદીએ તેમાંથી ભાગ આપવાની દાનત ન રાખી અને ગ્રાહકોની મૂડી તથા પ્લોટ છુટા નહીં કરી આપી અશોકભાઈ તથા તેના ભાઈને જુદા જુદા સ્થળે વાત કરવા માટે બોલાવ્યા હતા.
દરેડ ફેસ-૩માં આવેલા અપના ઈમ્પેક્સની ઓફિસમાં તેમજ દરેડમાં ન્યુ એરા કન્સ્ટ્રક્શનની સાઈટ પર તેમજ બેડીમાં જનક ઓઈલ મીલ પર અશોકભાઈ તથા તેમના ભાઈને બોલાવી ગાળો ભાંડવા ઉપરાંત જાનથી મારી નાખવાની અને ટાંટીયા ભાંગી નાખવાની ધમકી પણ વિશાલ મોદીએ આપ્યાની કેફિયત ફરિયાદમાં લખાવવામાં આવી છે.
ઉલ્લેખનીય છે કે, વિશાલ મોદી સામે થોડા મહિના પહેલાં એક મહિલાએ દુષ્કર્મ ગુજારવા અંગે ફરિયાદ નોંધાવ્યા પછી આ આસામી સામે તેના જ ભાગીદારે બીજી ફરિયાદ નોંધાવી છે. પોલીસે આઈપીસી ૩૨૩, ૫૦૪, ૫૦૬ (ર) હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
