ગ્રામ્ય મામલતદાર કચેરી, જામનગરમાં તાલુકા સ્વાગત ફરિયાદ નિવારણ કાર્યક્રમ

Author: નોબત સમાચાર

ગ્રામ્ય મામલતદાર કચેરી, જામનગરમાં તાલુકા સ્વાગત ફરિયાદ નિવારણ કાર્યક્રમ

આગામી તા. ૨૧-૫-૨૦૨૫ના દિને

જામનગર તા. ૬: જામનગર ગ્રામ્યનો તાલુકા સ્વાગત ફરિયાદ નિવારણ કાર્યક્રમ આગામી તા. ૨૧/૦૫/૨૦૨૫ના સવારના ૧૧ કલાકથી કાર્યક્રમ પૂર્ણ થાય ત્યાં સુધી ગ્રામ્ય મામલતદારના અધ્યક્ષ સ્થાને મામલતદારની કચેરી (ગ્રામ્ય)માં યોજવામાં આવશે.

અરજદારોએ આગામી તા. ૧૦/૦૫/૨૦૨૫ સુધીમાં તાલુકા સ્વાગત કાર્યક્રમના મથાળા હેઠળ તેમનો પ્રશ્ન/ અરજી મામલતદાર કચેરી જામનગર (ગ્રામ્ય)ના સરનામાં પર મોકલી દેવાની રહેશે. અરજી મોકલતી વખતે અરજદારોએ જો તાલુકા કક્ષાનો પ્રશ્ન હોય તો તાલુકાના જવાબદાર અધિકારીને પ્રથમ લેખિતમાં રજુઆત કરેલી હોવી જોઈએ, અને રજૂ કરેલો પ્રશ્ન અનિર્ણિત હોવો જોઈએ. તો જ આ કાર્યક્રમમાં અરજી સ્વીકારવામાં આવશે.

કાર્યક્રમમાં તાલુકા કક્ષાના અધિકારક્ષેત્રમાં આવતા પ્રશ્નોના જ નિર્ણય લઈ શકાય, તેવા પ્રશ્નો જ હોવા જોઈએ. કાર્યક્રમમાં અરજદાર જાતે રૂબરૂ પોતાના પ્રશ્નની જ પૂરતા આધાર- પુરાવા સાથે રજુઆત કરી શકશે. કાર્યક્રમમાં અરજદાર એક જ વિષયને લગતી રજુઆત કરી શકશે, સામૂહિક રજુઆતો કરી શકશે નહીં. તેમ ગ્રામ્ય મામલતદાર, જામનગરની યાદીમાં જણાવ્યું છે.

જો આપને આ પોસ્ટ ગમી હોય તો શેર કરો...