Author: નોબત સમાચાર
જામનગરમાં ખોડલધામ સમિતિ, ઓશવાળ આયુષ હોસ્પિટલ દ્વારા મેગા મેડિકલ કેમ્પ યોજાશે
આવતીકાલે નિષ્ણાત તબીબો દ્વારા નિઃશુલ્ક સેવાયજ્ઞઃ
જામનગર તા. ૮: જામનગર શહેરના જરૂરિયાતમંદ નાગરિકોને ઉત્તમ અને નિષ્ણાત તબીબી સેવાઓ નિઃશુલ્ક આરોગ્ય સેવા મળી રહે, તેવા ઉમદા હેતુથી શ્રી ખોડલધામ જામનગર સમિતિ તથા ઓશવાળ આયુષ હોસ્પિટલના સંયુક્ત ઉપક્રમે નિઃશુલ્ક સેવા યજ્ઞ એટલે કે ફ્રી મેગા મેડિકલ કેમ્પનું આયોજન આવતીકાલે તા. ૦૯-૦૫-૨૦૨૫ને (શુક્રવાર)ના સવારે ૧૦ વાગ્યાથી ૧ વાગ્યા સુધી કાલિંદી વર્લ્ડ સ્કૂલ, સેટેલાઈટ મેઈન રોડ, જામનગરમાં કરવામાં આવ્યું છે.
આ સેવા યજ્ઞમાં વિવિધ અને મહત્વપૂર્ણ તબીબી વિભાગોના નિષ્ણાત તબીબો દ્વારા સેવા આપવામાં આવશે, જેમાં મુખ્યત્વે કાર્ડિયોલોજી (હ્ય્દય રોગ), ન્યરો સર્જરી (મગજ અને કરોડરજ્જુ સંબંધિત), યુરો સર્જરી (મૂત્રપિંડ અને મૂત્રમાર્ગ સંબંધિત), જનરલ મેડીસીન (સામાન્ય દવા), ગાયનેકોલોજી (સ્ત્રી રોગ), કેન્સર વિભાગ અને ઓર્થોપેડિક (હાડકાંના રોગ) જેવી સ્પેશ્યાલીટીનો સમાવેશ થાય છે. દર્દીઓને નિષ્ણાત ડોકટરો દ્વારા તપાસ અને માર્ગદર્શન નિઃશુલ્ક પૂરું પાડવામાં આવશે.
આ કેમ્પમાં આવનાર દર્દીઓ માટે બ્લડ પ્રેશર અને બ્લડ સુગર અને ઇ.સી.જી. (હ્ય્દયના ધબકારા) જેવી પ્રાથમિક તપાસણીઓ પણ તદ્દન નિઃશુલ્ક ઉપલબ્ધ રહેશે, જે નિદાન પ્રક્રિયામાં મદદરૂપ થશે. ઓશવાળ આયુષ હોસ્પિટલ અને ખોડલધામ જામનગર સમિતિના આ સંયુક્ત પ્રયાસ દ્વારા વધુને વધુ લોકો સ્વાસ્થ્ય સંબંધિત સમસ્યાઓ માટે યોગ્ય સમયે નિષ્ણાતની સલાહ અને તપાસ મેળવી શકે તેવો ઉદ્દેશ્ય છે. જામનગર-ગ્રામ્યના તમામ નાગરિકોને આ નિઃશુલ્ક સેવા યજ્ઞનો મહત્તમ લાભ લેવા માટે અનુરોધ કરવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
