Author: નોબત સમાચાર
મોટરના શો-રૂમ પર રાત્રે જઈ બે શખ્સે ધમાલ મચાવી કાચનો દરવાજો તોડ્યો
સ્ટાફને ગાળો ભાંડ્યાની પોલીસમાં ફરિયાદઃ
જામનગર તા. રઃ જામનગરના હાપા પાસે ઓલા મહિન્દ્રા કંપનીના કાર શો-રૂમ પર ગઈરાત્રે આવેલા બે શખ્સે અત્યારે જ નવી મોટર લઈ જવી છે તેમ કહી ધમાલ મચાવ્યા પછી કર્મચારી ઓને ગાળો ભાંડી ઓફિસનો કાચનો દરવાજો તોડી નાખ્યો હતો. કર્મચારીએ પોલીસમાં ફરિયાદ નોંધાવી છે.
જામનગરના બેડી વિસ્તારમાં આવેલા ઈકબાલ ચોકમાં રહેતા અબ્દુલકાદર નુરમામદ નોતીયાર હાપા નજીક આવેલા મહિન્દ્રા કંપનીના શો-રૂમમાં નોકરી કરે છે. તેઓ તથા અન્ય કર્મચારી ગઈકાલે રાત્રે શો-રૂમ પર હતા ત્યારે દ્વારકા જિલ્લાના ખંભાળિયા તાલુકાના સોનારડી ગામના હરપાલસિંહ મહિપતસિંહ જાડેજા તથા મહાવીરસિંહ મૂળુભા ઝાલા નામના બે શખ્સ આવ્યા હતા.
આ શખ્સોએ શો-રૂમના મુખ્ય દરવાજા પાસે આવી ફોન કરીને હરપાલસિંહે કહ્યું હતું કે, મારે અત્યારે જ નવી સ્કોર્પિયો લઈ જવી છે, ચાવી આપ તેમ કહેતા અબ્દુલકાદરે વાત કરી હતી. તેથી ઉશ્કેરાયેલા હરપાલસિંહ અને મહાવીરસિંહે ત્યાં હાજર કર્મચારીઓને ગાળો ભાંડ્યા પછી મેઈન ગેઈટ પર તોડફોડ મચાવી હતી અને કાચ ફોડી નાખ્યો હતો. મોડીરાત્રે પંચકોશી એ ડિવિઝન પોલીસ સ્ટેશનમાં તેની ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
