Author: નોબત સમાચાર
બજરંગપુર ગામના પાટીયા પાસે મેડી ગામના વૃદ્ધ પર પાઈપથી કરાયો પ્રહાર
મને ચૂંટણીમાં મત કેમ ન આપ્યો તેમ કહી હુમલોઃ
જામનગર તા. ૨૬: જામનગરના મેડી ગામના એક વૃદ્ધને ગઈકાલે બજરંગપુર ગામના પાટીયા પાસે એક શખ્સે રોકી લઈ ચૂંટણીમાં મને મત કેમ ન આપ્યો તેમ કહી ગાળો ભાંડી ધમકી આપ્યા પછી પાઈપથી હુમલો કરી પગ ભાંગી નાખ્યો હતો.
જામનગર તાલુકાના મેડી ગામના પ્લોટ વિસ્તારમાં રહેતા અવસરભાઈ પરસોત્તમ ભાઈ ભાલોડીયા નામના એકસઠ વર્ષના વૃદ્ધ ગઈકાલે સવારે પોતાના બાઈક પર ધુતારપર જવા માટે નીકળ્યા હતા. ત્યારે બજરંગપુર ગામના પાટીયા પાસે એક હોટલે ચા પીવા ઉભા હતા.
આ વેળાએ મેડી ગામનો દિલીપ જીવરાજભાઈ ગોહિલ નામનો શખ્સ ધસી આવ્યો હતો. તાજેતરમાં યોજાયેલી ગ્રામ પંચાયતની ચૂંટણીઓમાં દિલીપ ગોહિલે ઉમેદવારી કરી હતી અને તેમાં અવસરભાઈએ તેને મત ન આપ્યો હોવાનું દિલીપના ધ્યાનમાં આવ્યું હતું.
આ બાબતનો ખાર રાખી દિલીપે મને કેમ મત આપ્યો નહી તેમ કહી ગાળો ભાંડી હતી અને પાઈપથી હુમલો કરી અવસરભાઈને પગમાં ફટકા માર્યા હતા. ફ્રેક્ચર સહિતની ઈજા પામેલા અવસરભાઈને દવાખાને ખસેડવામાં આવ્યા છે. જ્યારે જ્યાંથી તેઓએ પંચકોશી એ ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
