Author: નોબત સમાચાર
વુલન મીલ નજીક બાવરીવાસમાં ઝૂંપડાઓમાં ધમધમતી દેશી દારૂની ભઠ્ઠી-સાધનો ઝડપાયા
ચાર મહિલા સામે પોલીસે ગુન્હો નોંધ્યોઃ
જામનગર તા. ૨૦: જામનગરના વુલન મીલ વિસ્તારમાં આવેલા બાવરીવાસમાં ગઈકાલે પોલીસે ચાર ઝૂંપડાઓમાં દરોડા પાડી દેશી દારૂ બનાવવાની ચાર ભઠ્ઠી પકડી પાડી હતી. સ્થળ પરથી તૈયાર દારૂ, આથો, ભઠ્ઠીના સાધનો કબજે કરાયા છે.
જામનગરના દિગ્જામ વુલન મીલ વિસ્તારમાં આવેલા બાવરીવાસમાં ગઈકાલે સિટી સી ડિવિઝન પોલીસ સ્ટેશનના સ્ટાફે જયોતિબેન રવિભાઈ કોળી નામના મહિલાના ઝૂંપડામાં દરોડો પાડતા ત્યાંથી દેશી દારૂની ભઠ્ઠી મળી આવી હતી. સ્થળ પરથી ૭૦ લીટર આથો, ૧૦ લીટર તૈયાર દારૂ તથા ભઠ્ઠીના સાધનો મળી આવ્યા હતા. ત્યાં જ આવેલા રેશ્માબેન વિક્રમભાઈ કોળીના ઝૂંપડામાંથી પણ ચાલુ ભઠ્ઠી મળી આવી હતી. ૧૧૦ લીટર આથો, ૧૫ લીટર દેશી દારૂ તથા ભઠ્ઠીના સાધનો ઝબ્બે લેવાયા છે. નજીકમાં આવેલા કેસરી રામપ્રસાદ પરમારના ઝૂંપડામાંથી દેશી દારૂ બનાવવાની ચાલુ ભઠ્ઠી પકડી લેવામાં આવી છે. ૯૦ લીટર આથો, ૧૦ લીટર તૈયાર દારૂ, ભઠ્ઠીના સાધનો કબજે થયા છે. પૂજાબેન લખનભાઈ કોળી નામના મહિલાના ઝૂંપડામાંથી ભઠ્ઠી ઉપરાંત ૧૧૦ લીટર આથો, ૧૦ લીટર તૈયાર દારૂ કબજે કરાયો છે. ચારેય મહિલા સામે ગુન્હો નોંધી પોલીસે તેઓની શોધ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
