ખંભાળિયાની યુવા પત્રકાર રશિયામાં કરી રહી છે ભારતનું પ્રતિનિધિત્વ

Author: નોબત સમાચાર

ખંભાળિયાની યુવા પત્રકાર રશિયામાં કરી રહી છે ભારતનું પ્રતિનિધિત્વ

રશિયામાં બીક્સ યુવા પત્રકારો ઉપસ્થિત

ખંભાળિયા તા. ૩: ખંભાળિયાના જાણીતા વેપારી જયસુખભાઈ ચૌહાણની પુત્રી જાનવીએ છેલ્લા એક દાયકામાં સાચી લોકચાહના મેળવી છે. હવે તેણીને રશિયન ફેડરેશન તરફથી ખાસ નિમંત્રણ મળ્યું છે.

આમ હવે તેણી શિબિર સંચાલન સંમેલનમાં ભારતનું પ્રતિનિધિત્વ કરશે. તા. ર૭-૪-ર૦રપ થી ર મે સુધી રશિયાના કઝાન શહેરમાં યોજાનાર બ્રીક્સ યુવા પત્રકાર માટેના ખાસ કાર્યક્રમમાં ભાગ લઈ રહ્યા છે.

આ કાર્યક્રમમાં તેઓ પોતાના પત્રકારત્વનું સફળનામુ રજૂ કરશે અને બ્રીક્સ દેશના યુવા અગ્રણી પત્રકારો સાથે અનુભવ શેર કરશે. તેણી બ્રીક્સ (બ્રાઝીલ, રશિયા, ઈન્ડિયા, ચાઈના, સાઉથ આફ્રિકાના દેશના યુવા પ્રતિનિધિઓને સંબોધન કરશે અને તેઓ સાથે મળીને એક અગ્રીમ સંયુક્ત મીડિયા પ્રોજેક્ટ પર કાર્ય કરશે.

જાનવી સોનૈયા અગાઉ પણ અનેક વિવિધ આંતરરાષ્ટ્રીય મંચો ઉપર ભારત સરકારનું પ્રતિનિધિત્વ કરી ચૂકી છે.

તે બ્રીક્સ મીડિયા પ્લેટફોર્મ ટીમની સભ્ય છે. તે યુવા નેતૃત્વ વિશ્લેષણ, આંતરરાષ્ટ્રીય સંબંધો અને મીડિયાની સતત બદલતી ભૂમિકા વિશે ગહન સમજ ધરાવે છે.

સમગ્ર વિશ્વના રઘુવંશીઓની માતૃ સંસ્થા લોહાણા મહાપરિષદના પ્રમુખ સતિષભાઈ વિઠ્ઠલાણી, પ્રમુખ જીતુભાઈ લાલ, મહામંત્રી ડો. સુરેશભાઈ પોપટ અને નામાંકિત મીડિયા ગ્રુપ દ્વારા તેમને શુભેચ્છા પાઠવી છે.

જો આપને આ પોસ્ટ ગમી હોય તો શેર કરો...