Author: નોબત સમાચાર
બેટ દ્વારકામાં આસામીના ચોરાઈ ગયેલા લેપટોપ તથા મોબાઈલ પરત સોંપી અપાયા
કોર્ટના આદેશ મુજબ મુદ્દામાલની સોંપણીઃ
જામનગર તા. ૨૧: બેટ દ્વારકામાં ચાર મહિના પહેલાં એક આસામીના રિક્ષામાંથી લેપટોપ તથા મોબાઈલ ચોરાઈ ગયા હતા. તેને પકડી પાડ્યા પછી કોર્ટના આદેશથી બેટ દ્વારકા પોલીસે ઉપરોકત સામાન તેના માલિકને સોંપી આપ્યો છે.
ઓખામંડળમાં આવેલા બેટ દ્વારકામાં ગયા માર્ચ મહિનાની પચ્ચીસ તારીખે હરિયાણા રાજ્યના ગુડગાંવ જિલ્લાના રોહન શિવુભાઈ ભસીમ નામના આસામી દર્શનાર્થે આવ્યા હતા. તેઓ જે રિક્ષામાં બેઠા હતા તેમાંથી રૂ.૪૦ હજારનું લેપટોપ તથા રૂ.૭ હજારનો મોબાઈલ ચોરાઈ ગયા હતા.
તેઓએ તપાસ કર્યા પછી પણ સામાનની ભાળ ન મળતા તેઓએ અજાણ્યો ચોર ઉપરોકત સામાન ચોરી ગયાની પોલીસમાં ફરિયાદ નોંધાઈ હતી. ઉપરોક્ત ફરિયાદના પગલે પીઆઈ કે.એસ. પટેલ તથા સ્ટાફે બાતમીદારોને એક્ટિવેટ કર્યા હતા.
તે દરમિયાન દ્વારકાના વરવાળા ગામમાં આવેલા એક આસામીના મકાનમાંથી ઉપરોકત મુદ્દામાલ કબજે કરાયો હતો. તે મુદ્દામાલ પરત મેળવવા રોહન ભસીમે અદાલતમાં અરજી કર્યા પછી અદાલતના આદેશથી પોલીસે તેરા તુજકો અર્પણ કાર્યક્રમ અંતર્ગત લેપટોપ તથા મોબાઈલ સોંપી આપ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
