Author: નોબત સમાચાર
ચોખંડા ગામના આસામીને ચેક પરતના બે કેસમાં છ-છ મહિનાની કેદ-દંડનો આદેશ
રૂ.સાડા ત્રણ લાખના બે ચેક આવ્યા હતા પરતઃ
લાલપુર તા. ૨૧: ભાણવડના ચોખંડા ગામના એક આસામી સામે રૂ.સાડા ત્રણ લાખના બે ચેક પરત ફર્યાની લાલપુરના ધરમપુરના આસામીએ ફરિયાદ નોંધાવી હતી. અદાલતે બંને કેસમાં આરોપીને છ-છ મહિનાની કેદની સજા અને ચેકની રકમ મુજબનો દંડ ફટકાર્યાે છે.
દેવભૂમિ દ્વારકા જિલ્લાના ભાણવડ તાલુકાના ચોખંડા ગામના પંકજ કરણાભાઈ ભાટુ નામના આસામીએ લાલપુર તાલુકાના ધરમપુર ગામના લાખાભાઈ રાણાભાઈ કરમુરને રૂ.સાડા ત્રણ લાખનો એક એવા બે શખ્સ આપ્યા હતા. તે ચેક બેંકમાં રજૂ કરવામાં આવતા બંને ચેક રિટર્ન થયા હતા.
આ બાબતે નોટીસ આપ્યા પછી લાખાભાઈ કરમુરે લાલપુરની કોર્ટમાં ચોખંડા ગામના પંકજ ભાટુ સામે ફરિયાદ નોંધાવી હતી. તે બંને કેસ ચાલી જતાં અદાલતે આરોપી પંકજ ભાટુને તક્સીરવાન ઠરાવી છ-છ મહિનાની કેદ અને ચેકની રકમ મુજબનો દંડ ફટકાર્યાે છે. ફરિયાદી તરફથી લાલપુર વકીલ મંડળના ઉપપ્રમુખ એડવોકેટ પ્રફુલ કરંગીયા, કુંભાભાઈ કરંગીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
