Author: નોબત સમાચાર
ઠેબા પાસે બાઈકને ટેન્કરે હડફેટે લેતાં મતવા ગામના પિતરાઈ ભાઈઓ ઘવાયા
લાલબંગલા નજીક સ્કૂટરની ઠોકરે યુવાનને થયું ફ્રેક્ચરઃ
જામનગર તા. ૨૬: જામનગર-કાલાવડ રોડ પર ઠેબા ગામ પાસે ગયા મંગળવારે સાંજે ડબલ સવારી બાઈકને એક ટેન્કરે ઠોકર મારતા મતવા ગામના બે પિતરાઈ ઘવાયા છે. ગુરૂવારે લાલબંગલા પાસે રોડ ક્રોસ કરતા સમાણાના યુવાનને સ્કૂટરે ઠોકર મારી ફ્રેક્ચર કરી નાખ્યું છે.
જામનગર તાલુકાના મતવા ગામના અજીતભાઈ બાબુભાઈ વારસાકીયા નામના યુવાન તથા તેમના પિતરાઈ ભાઈ કિશોરભાઈ કરશનભાઈ વારસાકીયા ગયા મંગળવારે સાંજે જીજે-૧૦-ડીકયુ ૩૭૮૨ નંબરના બાઈક પર જામનગરથી મતવા જવા માટે નીકળ્યા હતા.
તેઓ જ્યારે ઠેબા ગામથી પેટ્રોલપંપ પાસે પહોંચ્યા ત્યારે સામેથી પુરપાટ ઝડપે ધસી આવેલા જીજે-૧૦-ટીએક્સ ૫૧૫૨ નંબરના ટેન્કરે તેઓને હડફેટે લીધા હતા. આ અકસ્માતમાં બાઈક પરથી ફંગોળાઈ ગયેલા અજીતભાઈ તથા કિશોરભાઈને ઈજા થઈ છે. પંચકોશી એ ડિવિઝનમાં તેની ફરિયાદ કરાઈ છે.
જામજોધપુર તાલુકાના સમાણા ગામના પ્રવીણભાઈ ભોજાભાઈ વિંઝુડા નામના યુવાન ગુરૂવારે બપોરે જામ નગરની જી.જી. હોસ્પિટલમાં દવા લેવા માટે આવ્યા હતા. તેઓ લાલબંગલા નજીક સરકારી વસાહત પાસે રોડ ક્રોસ કરતા હતા ત્યારે જીજે-૧૦-સીએમ ૪૫પપ નંબરના સ્કૂટરે તેઓને ઠોકર મારી પછાડી દીધા હતા. ખભ્ભામાં ફ્રેક્ચર સહિતની ઈજા પામેલા પ્રવીણભાઈને સારવારમાં ખસેડવામાં આવ્યા છે. તેઓની ફરિયાદ પરથી સિટી બી ડિવિઝન પોલીસે સ્કૂટર ચાલક સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
