Author: નોબત સમાચાર
ચરકલા ફાટક પાસે બે મોટર ટકરાઈ પડતા છ વ્યક્તિને થઈ ઈજાઃ ૧૦૮ દોડી
બે વ્યક્તિ ખંભાળિયા અને એક રાજકોટ ખસેડાયાઃ
ખંભાળિયા તા. ૨૯: દ્વારકાની ભાગોળે ચરકલા ફાટક પાસે ગઈકાલે બે મોટર ધડાકાભેર ટકરાઈ પડી હતી. જેમાં ઘવાયેલા છ વ્યક્તિને ચાર ૧૦૮ મારફત દવાખાને ખસેડવામાં આવ્યા પછી બે વ્યક્તિને ખંભાળિયા, એકને જામનગર અને એકને રાજકોટ દવાખાને લઈ જવામાં આવ્યા છે. અકસ્માતમાં બંને મોટરનો ભૂક્કો બોલી ગયો હતો.
દ્વારકા શહેરની ભાગોળે આવેલા ચરકલા ફાટક નજીક ગઈકાલે જીજે-૩૭-એમ ૭૫૦૮ નંબરની મોટર સાથે જીજે-૩૭ પાસીંગની જ મારૂતી સૂઝૂકી કંપનીની મોટર ધડાકાભેર ટકરાઈ પડી હતી. અકસ્માતની જાણ થતાં ચાર ૧૦૮ એમ્બ્યુલન્સ ઘટનાસ્થળે ધસી ગઈ હતી.
એમ્બ્યુલન્સના સ્ટાફ તથા ત્યાં હાજર વ્યક્તિઓએ બંને મોટરમાંથી ઘવાયેલા વ્યક્તિઓને બહાર કાઢવાની કામગીરી શરૂ કરી હતી. જેમાં વારાફરતી છ વ્યક્તિ નાની મોટી ઈજા પામેલા મળી આવ્યા હતા.
ઈજાગ્રસ્ત કીરધાર બાબુભાઈ જોષી, ભાવિકાબેન સંજયભાઈ નકુમ, કંકુબેન રમેશભાઈ નકુમ, અમિત રમેશભાઈ નકુમ, રમેશભાઈ શામજીભાઈ નકુમ અને દક્ષાબેન અમિતભાઈ નકુમને દ્વારકા દવાખાને ખસેડવામાં આવ્યા હતા. જેમાંથી કંકુબેન તથા ભાવિકાબેનને જામખંભાળીયા અને કીરધાર જોષીને રાજકોટ તેમજ અમિતભાઈ નકુમને વધુ સારવાર માટે જામનગરની જી.જી. હોસ્પિટલમાં ખસેડવામાં આવ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
