Author: નોબત સમાચાર
કલ્યાણપુરના કેનેડી પાસે મોટરમાંથી માથું બહાર કાઢતા યુવાનને થઈ ઈજા
ભાટીયા પાસે ટુ વ્હીલર-બસ વચ્ચે અકસ્માતઃ
ખંભાળિયા તા. ૨૪: કલ્યાણપુર તાલુકાના કેનેડી ગામ પાસે આજે સવારે એક મોટરમાંથી એક યુવાને માથું બહાર કાઢતા જ બસમાં માથું ટકરાઈ પડ્યું હતું. જ્યારે ભાટીયા પાસે ટુ વ્હીલર સાથે બસ ટકરાઈ પડતા એક યુવાન તથા મહિલાને ઈજા થઈ હતી. ૧૦૮ની ટીમે ત્રણેય ઈજાગ્રસ્તને હોસ્પિટલે ખસેડ્યા હતા.
દેવભૂમિ દ્વારકા જિલ્લાના કલ્યાણપુર તાલુકાના કેનેડી ગામ પાસેથી આજે સવારે આઠેક વાગ્યે દોડી જતી એક મોટરમાં રહેલા રણછોડભાઈ નામના યુવાને અચાનક જ મોટરમાંથી બહાર માથું કાઢયું હતું અને ત્યારે જ એક બસ પસાર થતા તેઓનું માથું બસ સાથે ટકરાઈ પડ્યું હતું.
આ અકસ્માતની જાણ થતાં ૧૦૮ની ટીમ ધસી ગઈ હતી. જેમાં ઈજાગ્રસ્ત રણછોડભાઈને કલ્યાણપુર હોસ્પિટલમાં ખસેડાયા છે. ખંભાળિયાથી દ્વારકા વચ્ચેના ધોરીમાર્ગ પર આવેલા ભાટીયા ગામ પાસેથી આજે સવારે પસાર થતું એક ટુ વ્હીલર સામેથી આવતી બસ સાથે ટકરાઈ પડતા આકાશભાઈ નામના યુવાન તથા ડાહીબેન નામના પ્રૌઢાને ઈજા થઈ હતી. ત્યાં પહોંચેલી ૧૦૮ની ટીમે બંને ઈજાગ્રસ્તને સારવાર માટે ખંભાળિયા દવાખાને ખસેડ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
