Author: નોબત સમાચાર
સોશિયલ મીડિયા પર લોભામણી જાહેરાત મૂકી ઠગી લેતી ટોળકીના બે આરોપી ઝડપાયા
અન્ય એક ઠગાઈમાં સુરતનો શખ્સ પકડાયોઃ
ખંભાળિયા તા. ૨૯: સોશિયલ મીડિયા પર જાહેરાત મૂકી શેરબજારમાં રોકાણના નામે પૈસા પડાવતી ટોળકીના બે શખ્સને સાયબર ક્રાઈમ પોલીસે ઈન્દોરમાંથી દબોચ્યા છે. જ્યારે એક અન્ય ઠગાઈના કિસ્સામાં સુરતના શખ્સની ધરપકડ કરાઈ છે.
દેવભૂમિ દ્વારકા જિલ્લામાં વસવાટ કરતા એક આસામીને શેરબજારમાં રોકાણ કરવામાં સો ટકા નફો મળશે તેવી લાલચ બતાવતી એક જાહેરાત સોશિયલ મીડિયા પર જોવા મળી હતી. તેમાં લોભાયેલા આ આસામી પાસેથી રૂ।.૯પ હજાર પડાવી લેવાયા હતા તેની ફરિયાદ સાયબર ક્રાઈમ પોલીસ સ્ટેશનમાં કરવામાં આવ્યા પછી દ્વારકા સાયબર ક્રાઈમ ટીમ પીઆઈ વી.કે. કોઠીયાના વડ પણ હેઠળ તપાસમાં લાગી હતી. તે દરમિયાન આ કૌભાંડમાં સુરતમાં અડાજણમાં રહેતા અને સ્ટોક માર્કેટ એડવાઈઝર તરીકે કામ કરતા યશ કિશોરભાઈ પઢીયાર નામના શખ્સના સગડ મળ્યા હતા. આ શખ્સની સાયબર ટીમ દ્વારા અટકાયત કરી લેવામાં આવી છે. આ શખ્સની ઘનિષ્ઠ પૂછપરછ કરાઈ રહી છે.
તે ઉપરાંત કેટલાક ઠગબાજોએ સોશિયલ મીડિયા પર જાહેરાત મૂકી તેમાં લોભાઈ ગયેલા કેટલાક આસામીઓ પાસેથી અલગ અલગ ચાર્જના નામે રૂ।.૪૧ લાખથી વધુની રકમ પડાવી લીધી હતી. તે ગુન્હામાં પણ સાયબર ટીમે ઈન્દોરમાંથી દિલીપ માખનલાલ કેવટ, અમીત સુનિલ પ્રજાપત નામના બે શખ્સને પકડી પાડ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
