Author: નોબત સમાચાર
જિલ્લા રજિસ્ટ્રાર કચેરીમાં મંડળીઓનો ખોટો ઓડીટ અહેવાલ રજૂ કરી દેવાતા કરાઈ ફરિયાદ
ખંભાળિયાના આસામી સામે નોંધાયો ગુન્હોઃ
જામનગર તા. ૩૧: ખંભાળિયામાં આવેલા દ્વારકા જિલ્લા સેવાસદન સ્થિત જિલ્લા રજીસ્ટ્રાર-સહકારી મંડળીઓની કચેરીમાં ખંભાળિયાના એક આસામીએ પોતે ચાર્ટર્ડ એકાઉન્ટન્ટ ન હોવા છતાં તેની સહી કરી બે પેનલ ઓડીટરની પણ ખોટી સહી કરી ઓડીટ અહેવાલ રજૂ કરી દેતા પોલીસમાં ફરિયાદ કરવામાં આવી છે.
જામનગરના પટેલ કોલોની વિસ્તારમાં વસવાટ કરતા અને દેવભૂમિ દ્વારકા જિલ્લા રજીસ્ટ્રાર સહકારી મંડળી કચેરીમાં મદદનીશ સહકારી અધિકારી તરીકે ફરજ બજાવતા બળવંતરાય જોષીએ ખંભાળિયા પોલીસ મથકમાં ગઈકાલે સાંજે ખંભાળિયામાં યોગેશ્વરનગરમાં વસવાટ કરતા મહેન્દ્રસિંહ ટેમભા ઝાલા સામે આઈપીસી ૪૦૯, ૪૧૮, ૪૧૯, ૪૬૫, ૪૬૮, ૪૭૧ હેઠળ ફરિયાદ નોંધાવી છે.
ફરિયાદમાં જણાવવામાં આવ્યા મુજબ બળવંતરાય જોષીની કચેરીમાં મહેન્દ્રસિંહ ઝાલાએ અલગ અલગ ર૬ સહકારી મંડળીના ઓડીટ રિપોર્ટ રજૂ કરી રૂ।.૭૮ હજાર મેળવી લીધા હતા. મહેન્દ્રસિંહ પોતે ચાર્ટર્ડ એકાઉન્ટન્ટ નહીં હોવા છતાં ઉપરોક્ત સહકારી મંડળીઓના ઓડીટ કરી તેમાં ચાર્ટર્ડ એકાઉન્ટન્ટ તથા પેનલ ઓડીટર તરીકે નયનાબેન એમ. તન્ના અને જયોતિબેન જે. કટારીયાની સહી કરી નાખી ખોટા સિક્કાઓનો ઉપયોગ કરી ઓડીટ અહેવાલ રજૂ કરી દીધો હતો અને તે રીતે ખોટા અહેવાલને સાચા અહેવાલ તરીકે રજૂ કરી ગુન્હો આચર્યાે હતો. પોલીસે મહેન્દ્રસિંહ ટેમભા સામે ગુન્હો રજીસ્ટર કરી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
