Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
એક એપ પર જાહેરાત જોયા પછી નગરના આસામી ભોળવાયાઃ
જામનગર તા. ૨૨: જામનગરમાં વાહનના લે-વેચના વ્યવસાય સાથે સંકળાયેલા એક આસામીએ સોશિયલ મીડિયા પર જોયેલી જાહેરાત પરથી તેમાં દર્શાવાયેલી મોટર ખરીદવા રસ બતાવ્યા પછી તેના માલિક-અમદાવાદના મહિલાનો સંપર્ક કર્યાે હતો. આ મહિલાએ બે કટકામાં રૂ।.૨ લાખ ૧૦ હજાર મેળવી લીધા પછી પણ મોટર ન આપી ઠેંગો બતાવતા અને ધમકી આપતા મામલો પોલીસ મથકે પહોંચ્યો છે. પોલીસે મહિલા સામે ગુન્હો નોંધ્યો છે.
જામનગરના કાલાવડ નાકા બહારના વિસ્તારમાં આવેલી ગરીબ નવાઝ સોસાયટી-રની શેરી નં.પમાં રહેતા મહંમદઈકબાલ દોસમામદ સમા નામના આસામીએ અમદાવાદના પ્રાગડ બસ સ્ટેશન સામે વસવાટ કરતા બિનીતાબેન ગોવિંદભાઈ પટેલ નામના મહિલા સામે સિટી એ ડિવિઝન પોલીસ સ્ટેશનમાં રૂ।.ર લાખ ૧૦ હજારની રકમ વિશ્વાસઘાતથી મેળવી લીધાની ફરિયાદ નોંધાવી છે.
આ આસામી ઓટો કન્સલટન્ટ તરીકે કામ કરે છે. તેઓએ ગયા ડિસેમ્બર મહિનામાં સોશિયલ મીડિયામાં કાર-૨૪ નામની એક એપ જોઈ હતી જેમાં તેઓએ જીજે-ર૪-બીસી ૨૯૪૪ નંબરની મારૂતી સૂઝુકી કંપનીની બ્રીઝા મોટર વેચવાની છે તેવી જાહેરાત વાચી હતી. તે જાહેરાત અન્વયે રસ પડતા મહંમદઈકબાલે એપ્લીકેશનના માધ્યમથી તે મોટરના માલિક બિનીતાબેન પટેલનો સંપર્ક કર્યાે હતો અને બંને વચ્ચે રૂ।.પ લાખ ૧૦ હજારમાં ગાડીનો સોદો થયો હતો.
ત્યારપછી વાતચીત મુજબ મહંમદઈકબાલે રૂ।.૯૦ હજાર બિનીતાબેનના કહેવાથી ઓનલાઈન ટ્રાન્સફર કરવા ઉપરાંત રૂ।.૧ લાખ ૨૦ લાખ ખાનગી બેંકના ખાતામાં જમા કરાવ્યા હતા. તે પછી પણ બિનીતાબેને ગઈ તા.૧૧ ડિસેમ્બરથી આજ સુધી આ ગાડી સોંપી ન હતી અને રૂ।.ર લાખ ૧૦ હજાર પાછા પણ આપ્યા ન હતા તેમજ ગાડી લઈ જશો તો તમને જોઈ લઈશ તેવી ધમકી આપી હતી. પોલીસે આ ફરિયાદ પરથી અમદાવાદના મહિલા સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial