Author: નોબત સમાચાર
મકાન ભાડા બાબતે બોલાચાલી થયા પછી મકરાણી સમાજના પ્રમુખ પર ચાર શખ્સ પાઈપથી તૂટી પડ્યા
સમાજના આગેવાનો હોસ્પિટલ દોડી ગયાઃ પાર્કિંગના પ્રશ્ને મહિલા પર પરિવારનો હુમલોઃ
જામનગર તા. ૩૦: જામનગરના મકરાણી સમાજના પ્રમુખ સાથે બે દિવસ પહેલાં મકાનના ભાડા બાબતે બોલાચાલી થયા પછી ગઈકાલે તેમના જ સમાજના બે શખ્સ સહિત ચારે પાઈપથી હુમલો કરી માર મારતા ચકચાર જાગી છે. ઈજાગ્રસ્ત પ્રમુખને સારવારમાં ખસેડાયા છે. જ્યારે રામેશ્વરનગર નજીક માતૃઆશિષ સોસાયટીમાં ઘર પાસે વાહન રાખવાની બાબતે પાડોશીઓએ બાજુમાં રહેતા એક મહિલા પર પાઈપ જેવા હથિયારથી હુમલો કરી ઈજા પહોંચાડી હતી. પોલીસે બંને બનાવની તપાસ શરૂ કરી છે.
જામનગરના મકરાણી સમાજના પ્રમુખ જાનમામદ ભાઈ મહંમદભાઈ બ્લોચ (ઉ.વ.૫૬) ખોજાનાકા પાસે આવેલી સિલ્વર સોસાયટીમાં વસવાટ કરે છે. આ પ્રૌઢ ગઈકાલે બપોરે કિસાન ચોક નજીકના મકરાણી કબ્રસ્તાન પાસે હતા. ત્યારે બાઈકમાં ધસી આવેલા સેજાદ સલીમ બ્લોચ અને તેના ભાઈ સાહિલ બ્લોચ તેમજ બે અજાણ્યા શખ્સે તેમના પર હુમલો કર્યાે હતો.
કિસાન ચોકમાં કબ્રસ્તાન પાસે જાનમામદભાઈએ ભાડે આપેલા મકાનનંુ ભાડુ લેવા માટે મંગળવારે તેઓ ગયા હતા. ત્યારે સહેજાદ સાથે બોલાચાલી થઈ હતી. તે બાબતનો ખાર રાખી ગઈકાલે બપોરે જ્યારે જાનમામદભાઈ કબ્રસ્તાનમાં સાફસફાઈ કરવા માટે ગયા ત્યારે ઉપરોક્ત ચારેય શખ્સ પાઈપ સાથે આવી ચઢયા હતા અને તેઓએ હુમલો કરી જાનમામદભાઈને પાઈપના આડેધડ ફટકા માર્યા હતા. સહેજાદે ગાળો ભાંડી જાનથી મારી નાખવાની ધમકી પણ આપી હતી. ઈજાગ્રસ્ત જાનમામદભાઈને સારવાર માટે જી.જી. હોસ્પિટલમાં ખસેડવામાં આવ્યા ત્યારે સમાજના અગ્રણીઓ દોડી આવ્યા હતા. સિટી એ ડિવિઝનમાં તેની ફરિયાદ કરવામાં આવી છે. પોલીસે ચારેય હુમલાખોર સામે ગુન્હો નોંધ્યો છે. પીએસઆઈ એમ.કે. બ્લોચે આરોપીઓના સગડ દબાવ્યા છે.
જામનગરના રામેશ્વરનગર વિસ્તારમાં આવેલી માતૃઆશિષ સોસાયટીમાં વસવાટ કરતા કમલાબેન સુનિલભાઈ ભકડ નામના મહિલાએ પાડોશમાં જ રહેતા મહેન્દ્રસિંહ મલુજી જાડેજા, અનસુયાબા મહેન્દ્રસિંહ, પ્રિયદીપસિંહ મહેન્દ્રસિંહ, વૈશાલીબા મહેન્દ્રસિંહ સામે પાઈપ જેવા હથિયારથી હુમલો કરી માર માર્યાની સિટી બીમાં ફરિયાદ નોંધાવી છે.
ફરિયાદમાં જણાવવામાં આવ્યા મુજબ ઘર પાસે વાહન રાખવાની બાબતે પ્રિયદીપસિંહ સાથે ગઈકાલે ઝઘડો થયા પછી આ શખ્સ તેના માતા, પિતા અને બહેને હુમલો કરી માર માર્યાે હતો. પોલીસે ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
