Author: નોબત સમાચાર
જામખંભાળિયાના બે નંબરના ફીડરને બે ભાગમાં વહેંચી થાંભલાઓને કોર્ડન કરાશે
વીજ વિક્ષેપ ઘટાડવા અને ચોમાસામાં સુરક્ષા વધારવા
ખંભાળિયા તા. પઃ ખંભાળિયા પીજીવીસીએલના શહેર વિભાગના ડેપ્યુટી ઈજેનરશ્રી રોનક પટેલ તથા લાઈન ઈન્સ્પેક્ટર અનિલ વારિયાની ટીમ દ્વારા ખંભાળિયા શહેર વિસ્તારના વીજગ્રાહકો માટે ફરિયાદો ઊભી ના થાય તેવી વારંવાર વ્યવસ્થાઓ તથા સુધારાઓ કરીને તથા વીજફોલ્ટ, વીજવિક્ષેપ થવાના બનાવોને અત્યંત ઓછા કર્યા છે, ત્યારે લોકોની સગવડતા માટે વધુ બે આયોજનો હાથ ધર્યા છે.
હાલ ખંભાળિયામાં બે નંબરનો વીજ ફીડર કે જેમાં મોટો વિસ્તાર આવતો હોય તથા આ ફીડરમાં કામ કરવા કે ફોલ્ટમાં અડધું શહેર બંધ થઈ જતું હોય તથા લાંબી ફીડરથી વીજવાયરોના પ્રશ્નો તથા ઓછા વોલ્ટેજ અને અન્ય પ્રશ્નો સર્જાતા હોય, આ ફીડરના બે ભાગ કરવા આયોજન હાથ ધરવામાં આવ્યું હતું.
આ ઉપરાંત ખંભાળિયા શહેરમાં અંદરના સાંકડા વિસ્તારોમાં ગર્ડર પોલ લોખંડના આવેલા હોય આ પોલ સાથે વીજ વાયરો ચોમાસામાં શોર્ટ થતા હોય, ચોમાસા પહેલા આ થાંભલાઓની આસપાસ ચારેક ફૂટના પ્લાસ્ટિકના પાઈપથી કોર્ડન કરવા આયોજન હાથ ધર્યું છે.
પી.જી.વી.સી.એલ.ના સુપ્રિ. ઈજનેર શ્રી હસીત વ્યાસ તથા ખંભાળિયા કાર્ય. ઈજનેર શ્રી ગોઝિયાના માર્ગદર્શનમાં ખંભાળિયા પીજીવીસીએલ ટીમની અનેક કામગીરી નોંધપાત્ર રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
