Author: નોબત સમાચાર
બોર્ડર ક્રોસ કરી બાંગ્લાદેશથી ભારત આવેલી યુવતી પડધરીમાંથી પકડાઈ
પ્રેમીને મળવા નીકળ્યા પછી કરી ગઈ બોર્ડર ક્રોસઃ
જામનગર તા. ૩: રાજકોટના પડધરીમાં પોલીસ દ્વારા કરવામાં આવેલી ચકાસણીમાં બાંગ્લાદેશની એક યુવતી મળી આવી હતી. આ યુવતી જામનગરના એક શખ્સના સંપર્કમાં સોશિયલ મીડિયાથી આવ્યા પછી તેને મળવા માટે દોઢેક વર્ષ પહેલાં સુરતના એક શખ્સની મદદથી બોર્ડર ક્રોસ કરીને આવી ગઈ હતી. જામનગરમાં છએક મહિના અને દ્વારકામાં એકાદ વર્ષ સુધી રહ્યા પછી આ યુવતી પડધરી રહેવા આવી હતી અને પોલીસના સકંજામાં આવી હતી. આ યુવતીનું નિવેદન નોંધવામાં આવ્યું છે.
જામનગર-રાજકોટ રોડ પર આવેલા રાજકોટ જિલ્લાના પડધરી ગામમાંથી પોલીસે બાંગ્લાદેશની શાહીદા નામની એક યુવતીને ચેકીંગ દરમિયાન રાજકોટ પોલીસે પકડી પાડી હતી.
આ યુવતીની હાથ ધરાયેલી પૂછપરછમાં તેણી બાંગ્લાદેશથી બોર્ડર ક્રોસ કરીને કોલકાત્તા આવ્યા પછી દોઢેક વર્ષથી જામનગરમાં રહેતી હોવાનું ખૂલ્યું છે. બાંગ્લાદેશમાં જ તેણીના નિકાહ થયા પછી ઈન્સ્ટાગ્રામ મારફત આ યુવતીનો જામ નગરના સમીર નામના યુવક સાથે પરિચય થયો હતો.
તે પછી બંને વચ્ચે પ્રેમ સંબંધ બંધાતા સાહીદા પોતાની પુત્રીને ત્યાં છોડી સમીરને મળવા નીકળી ગઈ હતી. બાંગ્લાદેશમાં તેનો સંપર્ક સુરતના હબીબ નામના શખ્સ સાથે પરિચય થયા પછી તેની મદદથી રૂ.૭ હજાર હબીબને આપી તેણી બાંગ્લાદેશથી બોર્ડર ક્રોસ કરી કોલકાત્તા પગપાળા આવી હતી અને સમીરને મળ્યા પછી જામનગરમાં છએક મહિના સુધી રહી બંને વ્યક્તિ દ્વારકા રહેવા ગયા હતા. જ્યાં એકાદ વર્ષ રહ્યા પછી સાહીદા રાજકોટના પડધરીમાં રહેવા માટે આવી હતી. પોલીસે તેણીનું નિવેદન નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
