Author: નોબત સમાચાર
જામનગરમાં કારતક માસમાં પણ અષાઢી માહોલઃ બે ડીગ્રીના વધારા સાથે મહત્તમ તાપમાન ર૮ ડીગ્રી
માવઠાના પગલે વાતાવરણમાં ઠંડક પ્રસરીઃ
જામનગર તા. ૩૦: જામનગરમાં માવઠાના પગલે કારતક માસમાં પણ અષાઢી માહોલ જોવા મળી રહ્યો છે. સમગ્ર વાતાવરણમાં ઠંડક પ્રસરી જવા પામી છે. છેલ્લા ચોવીસ કલાક દરમિયાન સતત ઘટતા તાપમાન પર બ્રેક લાગી ગઈ હતી, અને બે ડીગ્રી વધીને મહત્તમ તાપમાન ર૮ ડીગ્રી નોંધાયું હતું.
ગુજરાતના વિવિધ ભાગોમાં વરસાદ વરસવાની આગાહી હવામાન વિભાગ દ્વારા કરવામાં આવી છે, જે સાચી પણ પડી છે. હાલાર સહિત રાજ્યના ઘણાં ભાગોમાં છાટાથી લઈને મુશળધાર વરસાદ વરસ્યો હોવાના વાવડ મળી રહ્યા છે. કમોસમી વરસાદના કારણે પાકને નુક્સાન થતા જગતનો તાત ચિંતાતુર બની ગયો છે.
જામનગર અને દેવભૂમિ દ્વારકા જિલ્લામાં માવઠાના પગલે કારતક માસમાં પણ અષાઢી માહોલનું સર્જન થયું છે. નભમાં વાદળોના જમાવટના પગલે સૂર્યપ્રકાશ ભાગ્યે જ જોવા મળી રહ્યો છે. હાલાર પંથકમાં ઠંડક પ્રસરી જવા પામી છે.
જામનગરમાં માવઠાના કારણે તાપમાનમાં સતત ઘટાડો થઈ રહ્યો હતો, પરંતુ છેલ્લા ચોવીસ કલાક દરમિયાન ઘટતા તાપમાન પર બ્રેક લાગી ગઈ હતી. બે ડીગ્રીના વધારા સાથે મહત્તમ તાપમાન ર૮ ડીગ્રી, જ્યારે નહીંવત્ ઘટીને લઘુતમ તાપમાન રર.૪ ડીગ્રી નોંધાયું હતું.
નગરના વાતાવરણમાં ભેજનું પ્રમાણ ત્રણ ટકા વધીને ૯૦ ટકાએ પહોંચી ગયું હતું. પવનની ગતિ પ્રતિકલાકની સરેરાશ ૩૦ થી ૩પ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
