Author: નોબત સમાચાર
હોસ્પિટલમાં એસઆઈ પર હુમલો કરનાર ત્રણ મહિલા સહિત ચાર સામે ગુન્હો
થોડા દિવસ પહેલાં એક મહિલાએ ફિનાઈલ પીધા પછી
જામનગર તા.૭ : જામનગરની જી.જી. હોસ્પિટલમાં ગઈકાલે એક સેનેટરી ઈન્સ્પેક્ટર પર હુમલો થયાના બનાવની પોલીસમાં ફરિયાદ કરાઈ છે. પોલીસે ત્રણ મહિલા સહિત ચાર સામે ગુન્હો નોંધ્યો છે. એક મહિલાએ થોડા દિવસ પહેલાં એસઆઈના કહેવાથી ઝેરી દવા પીધી હોવાનું માની હુમલો કરાયો હતો.
જામનગરની જી.જી. હોસ્પિટલમાં આવેલી સેનેટરી ઈન્સ્પેક્ટરની કચેરીમાં ગઈકાલે એસઆઈ રાજેન્દ્ર સિંહ ધીરૂભા જાડેજા હાજર હતા ત્યારે સાડા આઠેક વાગ્યે જયાબેન હરીશભાઈ રાઠોડ, સુનંદાબેન બાંગલે, પાર્વતી બેન મકવાણા નામના ત્રણ મહિલા ધસી આવ્યા હતા.
આ ત્રણ વ્યક્તિએ તાજેતરમાં એક મહિલાએ કરેલી પોલીસમાં અરજીનો ખાર રાખી બોલાચાલી શરૂ કરી હતી. બેડી વિસ્તારમાં રહેતા ફરીદાબેન નામના એક મહિલાએ સાથી કર્મચારી જયાબેન તથા સુનંદાબેન દ્વારા કરવામાં આવતી પજવણીથી કંટાળી થોડા દિવસ પહેલાં ઝેરી દવા પીધી હતી. તે પછી ફરીદાબેને પોલીસમાં અરજી પણ પાઠવી હતી. તે મહિલાને એસઆઈ રાજેન્દ્રસિંહે દવા પીવાનું કહ્યું હતું તેમ માની ગઈકાલે ત્રણેય મહિલાએ ધમાલ કરી હતી.
આ વ્યક્તિઓએ એસઆઈ તથા તેમની કચેરીના આશિષ નામના કર્મી પર હુમલો કરી દીધો હતો. આ વેળાએ ત્યાં હાજર રશીદાબેન છોડાવવા માટે વચ્ચે પડતા ધારેશ છીપરીયાએ તેમના પર હુમલો કર્યાે હતો. ત્રણ મહિલા સહિત ચારેય વ્યક્તિ ધમકી આપીને જતાં રહ્યા હતા. આ બાબતની સિટી બી ડિવિઝન પોલીસ સ્ટેશનમાં એસઆઈ રાજેન્દ્રસિંહે ફરિયાદ નોંધાવી છે. ઉલ્લેખનીય છે કે, એમ.જે. સોલંકી નામની પેઢીના મહિલા કર્મચારી જયાબેન તથા સુનંદાબેનને પેઢીએ હંગામી રીતે સસ્પેન્ડ કરતા અને ખુલાસો માંગતા મહિલાઓ ઉશ્કેરાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
