તા. ૦૨-૦૭-૨૦૨૬ ના રોજ સવારે ૧૦ કલાકે...

ગુરૂવારના રોજ ભારતીય શેરબજારમાં સકારાત્મક વલણ જોવા મળવાની અપેક્ષા છે. વૈશ્વિક બજારોમાંથી મિશ્ર સંકેતો મળ્યા હોવા છતાં ક્રૂડ ઓઇલના ભાવમાં નોંધપાત્ર ઘટાડો, ગીફ્ટ નિફ્ટીમાં મજબૂત વધારો અને સ્થાનિક સંસ્થાકીય રોકાણકારોની સતત ખરીદીના કારણે બજારનો સેન્ટિમેન્ટ સુધર્યો છે. ભારત જેવા મોટા ક્રૂડ આયાતકાર દેશ માટે ઓઇલના ભાવમાં ઘટાડો હકારાત્મક પરિબળ છે, કારણ કે તે ફુગાવાનું દબાણ ઘટાડે છે અને કોર્પોરેટ નફાકારકતામાં સુધારો લાવી શકે છે. જોકે વિદેશી સંસ્થાકીય રોકાણકારો દ્વારા ચાલુ વેચવાલી અને વૈશ્વિક ટેક્નોલોજી શેરોમાં નબળાઈને કારણે દિવસ દરમિયાન વોલેટિલિટી જોવા મળી શકે છે.

સેન્સેક્સમાં સકારાત્મક શરૂઆતની સંભાવના છે. બેન્કિંગ, ફાઇનાન્શિયલ સર્વિસિસ, એફએમસીજી અને ઓટો શેરોમાં ખરીદીના કારણે ઇન્ડેક્સને મજબૂત આધાર મળી શકે છે. જો વૈશ્વિક સંકેતો સ્થિર રહેશે તો દિવસ દરમિયાન તેજી જળવાઈ રહેવાની શક્યતા છે, જોકે ઉપરના સ્તરે મર્યાદિત પ્રોફિટ બુકિંગ પણ જોવા મળી શકે છે.

સ્થાનિક સ્તરે બજારને અનેક હકારાત્મક પરિબળોનો આધાર મળી રહ્યો છે. સ્થાનિક સંસ્થાકીય રોકાણકારો દ્વારા સતત ખરીદી, પ્રથમ ત્રિમાસિકના સારા કોર્પોરેટ પરિણામોની અપેક્ષા, બેન્કિંગ અને ફાઇનાન્શિયલ શેરોમાં વધતી માંગ તથા મજબૂત આર્થિક પ્રવૃત્તિ બજારને ટેકો આપી રહી છે. જોકે ઊંચા વેલ્યુએશનને કારણે કેટલાક રોકાણકારો ઉપરના સ્તરે નફાવસૂલી પણ કરી શકે છે.

વૈશ્વિક સ્તરે અમેરિકામાં વ્યાજદર અંગેની અપેક્ષાઓ, અમેરિકાઈરાન વચ્ચેના રાજદ્વારી સંવાદ અને ક્રૂડ ઓઇલના ઘટતા ભાવ રોકાણકારો માટે હકારાત્મક રહ્યા છે. બીજી તરફ એશિયન બજારોમાં ટેક્નોલોજી અને ચિપ શેરોમાં વેચવાલી જોવા મળતાં વૈશ્વિક સેન્ટિમેન્ટ સંપૂર્ણપણે મજબૂત નથી. તેથી ભારતીય બજારમાં પણ દિવસ દરમિયાન ઉતાર-ચઢાવ જોવા મળી શકે છે.

આજના કારોબારમાં બેન્કિંગ, ફાઇનાન્શિયલ સર્વિસિસ, એફએમસીજી, રિયલ્ટી અને ઓટો સેક્ટરમાં તેજી જોવા મળવાની સંભાવના છે. ક્રૂડ ઓઇલના ઘટાડાથી ઓઇલ માર્કેટિંગ કંપનીઓ અને એરલાઇન સંબંધિત શેરોમાં પણ સકારાત્મક અસર જોવા મળી શકે છે. બીજી તરફ આઇટી અને પસંદગીના ટેકનોેલોજી શેરોમાં વૈશ્વિક નબળાઈના કારણે મર્યાદિત દબાણ રહી શકે છે.

આજની તેજી પાછળનું સૌથી મોટું કારણ ક્રૂડ ઓઇલના ભાવમાં ઘટાડો છે. ભારત માટે નીચા ઓઇલ ભાવ આયાત બિલ ઘટાડે છે અને ફુગાવા ઉપર નિયંત્રણ લાવવામાં મદદરૂપ થાય છે. ગિફ્ટ નિફ્ટીના મજબૂત સંકેતો, સ્થાનિક સંસ્થાકીય રોકાણકારોની ખરીદી, એફએમસીજી અને બેન્કિંગ શેરોમાં મજબૂત માંગ તથા આગામી કોર્પોરેટ પરિણામો અંગેનો આશાવાદ પણ બજારને ટેકો આપી રહ્યા છે.

તાજેતરના ઉપલબ્ધ આંકડા મુજબ, વિદેશી સંસ્થાકીય રોકાણકારોએ આશરે રૂ।. ૧,૧૪૦.૫૦ કરોડની નેટ વેચવાલી કરી હતી, જ્યારે સ્થાનિક સંસ્થાકીય રોકાણકારોએ આશરે ?૩૧૫૯.૨૪ કરોડની નેટ ખરીદી નોંધાવી હતી. આ દર્શાવે છે કે ભારતીય બજારને હાલ મુખ્ય આધાર સ્થાનિક રોકાણકારો તરફથી મળી રહ્યો છે.

કોમોડિટી બજારમાં આજે ક્રૂડ ઓઇલના ભાવ લગભગ ૭૦ ડોલર પ્રતિ બેરલ સુધી ઘટતા ભારત માટે સકારાત્મક સંકેત મળ્યો છે. ગોલ્ડમાં સલામત રોકાણ તરીકે મર્યાદિત માંગ યથાવત્ છે, જ્યારે સિલ્વર અને બેઝ મેટલ્સમાં મિશ્ર વલણ જોવા મળી રહ્યું છે. ક્રૂડમાં નરમાઈ ભારતીય બજાર માટે સૌથી મોટું હકારાત્મક પરિબળ બની રહ્યું છે.

નિફ્ટી ફ્યુચર ટ્રેન્ડ :

નિફ્ટી ફયુચર ૨૪૧૬૬ પોઈન્ટ : આગામી સંભવિત નિફ્ટી ૨૪૦૮૮ પોઈન્ટના પ્રથમ તેમજ ૨૪૦૦૮ પોઈન્ટના અતિ મહત્વના સ્ટ્રોંગ રેઝિસ્ટન્સથી ટ્રેડિંગ સંદર્ભે ૨૪૨૦૨ પોઈન્ટ થી ૨૪૨૭૨ પોઈન્ટ તથા ૨૪૩૦૩ પોઈન્ટ આસપાસ મહત્વપૂર્ણ સપાટીને સ્પર્શી શકે તેવી સંભાવના ધરાવે છે. નિફ્ટી ૨૪૩૦૩ પોઈન્ટ નજીક સાવધાનીપૂર્વક પોઝિશન બનાવવી જોઈએ....!!!

સ્ટોક સ્પેસિફિક ટ્રેન્ડ :

હિન્ડાલ્કો ઇન્ડસ્ટ્રીઝ (૯૪૦) : મેટલ અને એલ્યુમિનિયમ સેક્ટરની આ અગ્રણી કંપનીના શેરનો ભાવ હાલમાં રૂ।.૯૦૯ આસપાસ પ્રવર્તી રહ્યો છે. રૂ।.૮૯૮ ના સ્ટ્રોંગ સપોર્ટથી આ સ્ટોક ટૂંકા સમયગાળે રૂ।.૯૬૮ થી રૂ।.૯૮૦ આસપાસ ભાવ સપાટી નોંધાવે તેવી શક્યતા છે...!! રૂ।.૯૭૪ ઉપર તેજી તરફી ધ્યાન...!!

જેએસડબલ્યુ એનર્જી (૫૭૨) : ટેકનીકલ ચાર્ટ મુજબ પાવર અને રિન્યુએબલ એનર્જી સેક્ટરનો આ સ્ટોક રૂ।.૫૫૭ આસપાસ પોઝીટીવ બ્રેકઆઉટ!! રૂ।.૫૪૪ ના સપોર્ટથી આ સ્ટોક રૂ।.૫૮૮ થી રૂ।.૫૯૫ આસપાસ ભાવ સપાટી નોંધાવે તેવી સંભાવના છે...!!

જુબિલન્ટ ફૂડવર્ક્સ (૪૩૧) : રૂ।.૪૦૪ નો પ્રથમ તેમજ રૂ।.૩૯૩ ના બીજા સપોર્ટથી ક્વિક સર્વિસ રેસ્ટોરન્ટ સેક્ટરનો રોકાણલક્ષી આ સ્ટોક રૂ।.૪૪૮ થી રૂ।.૪૬૦ આસપાસ ભાવ સપાટી નોંધાવે તેવી શક્યતા છે...!!

નેશનલ એલ્યુમિનિયમ કંપની (૩૩૮) : મેટલ અને એલ્યુમિનિયમ સેક્ટરનો આ સ્ટોક રૂ।.૩૧૩ ના સ્ટ્રોંગ સપોર્ટથી રૂ।.૩૫૩ થી રૂ।.૩૬૦ આસપાસ ભાવ સપાટી નોંધાવે તેવી સંભાવના છે...!! રૂ।.૩૭૦ ઉપર તેજી તરફી ધ્યાન...!!

ભાવિ દિશા : ભારતીય શેરબજાર માટે એકંદર વાતાવરણ હકારાત્મક છે. ઘટતા ક્રૂડ ઓઇલના ભાવ, ગીફ્ટ નિફ્ટીના મજબૂત સંકેતો અને સ્થાનિક સંસ્થાકીય રોકાણકારોની સતત ખરીદી બજારને ટેકો આપી રહી છે. જોકે એફઆઈઆઈ વેચવાલી, વૈશ્વિક ટેક્નોલોજી સેક્ટરની નબળાઈ અને વ્યાજદર અંગેની અનિશ્ચિતતા જેવા પરિબળો ટૂંકા ગાળાની વોલેટિલિટી વધારી શકે છે. તેમ છતાં, ભારતના મજબૂત આર્થિક ફંડામેન્ટલ્સ અને કોર્પોરેટ કમાણી અંગેની સકારાત્મક અપેક્ષાઓને ધ્યાનમાં લેતા મધ્યમ અને લાંબા ગાળાનો રૂષ્ટિકોણ હજુ પણ રચનાત્મક અને સકારાત્મક માનવામાં આવે છે.

આગામી દિવસોમાં ભારતીય શેરબજારની દિશા પ્રથમ ત્રિમાસિકના કોર્પોરેટ પરિણામો, વિદેશી સંસ્થાકીય રોકાણકારોના રોકાણ પ્રવાહ, વૈશ્વિક વ્યાજદર અંગેના સંકેતો અને ક્રૂડ ઓઇલના ભાવ પર નિર્ભર રહેશે. જો ઉપરના સ્તરે ભારે પ્રોફિટ બુકિંગ જોવા મળશે તો ટૂંકા ગાળામાં મર્યાદિત કરેક્શન આવી શકે છે. લાંબા ગાળાના રોકાણકારો માટે બેન્કિંગ, ફાઇનાન્શિયલ, એફેમ્સીજી અને ગુણવત્તાસભર લાર્જકેપ શેરોમાં તબક્કાવાર રોકાણ યોગ્ય વ્યૂહરચના બની શકે છે.