Author: નોબત સમાચાર
ટપાલ આપવા ગયેલા મહિલાના બેગની ઉઠાંતરી કરનાર ટાબરીયાની અટકાયત
સરકારી ફોન સહિત બે મોબાઈલની કરી હતી ચોરીઃ
જામનગર તા.૨૯ : જામનગરની મિગ કોલોનીમાં ગયા સપ્તાહે ટપાલ આપવા માટે ગયેલા એક મહિલા કર્મચારીના એક્ટિવામાં ટપાલના થેલાની ઉપર બે મોબાઈલવાળી બેગ રાખવામાં આવી હતી. તે બેગની ઉઠાંતરી થયાની પોલીસમાં ફરિયાદ થયા પછી કાયદાથી સંઘર્ષિત એક કિશોરને પોલીસે બંને ચોરાઉ મોબાઈલ સાથે પ્રદર્શન મેદાનમાંથી પકડી પાડ્યો છે.
જામનગરની પટેલ કોલોનીમાં રહેતા અને પોસ્ટ ઓફિસમાં નોકરી કરતા પૂજા બેન બાલુભાઈ ગળચર નામના યુવતી ગયા શુક્રવારે સરકારી ટપાલો આપવા માટે એક્ટિવા સ્કૂટરમાં તેનો થેલો રાખી મિગ કોલોનીમાં ગયા હતા. આ વેળાએ તેઓએ થેલા ઉપર પોતાનો મોબાઈલ તથા સરકારી મોબાઈલ જેમાં હતા તે બેગ ટપાલના થેલા પર રાખી હતી.
ત્યાં એક ઈમારતમાં ટપાલ આપીને ગણતરીની મિનિટોમાં પરત આવેલા પૂજાબેનની બેગ ગુમ થઈ ગઈ હતી. તેઓએ રૂ.૨૦ હજારની કિંમતના બે મોબાઈલ ચોરાઈ ગયાની પોલીસમાં ફરિયાદ નોંધાવી હતી. ગુન્હો નોંધી સિટી એ ડિવિઝનના સ્ટાફે પીઆઈ એન.એ. ચાવડાની સૂચનાથી તપાસ શરૂ કરી હતી.
તે વિસ્તારના સીસીટીવી ફૂટેજ પણ ચકાસવામાં આવ્યા હતા. જેમાં એક વ્યક્તિના સગડ મળ્યા હતા. તેમાં દેખાતા વ્યક્તિને પ્રદર્શન મેદાનમાંથી દબોચી લેવામાં આવ્યો છે. કાયદાથી સંઘર્ષિત આ કિશોરને દબોચી લઈ પોલીસે તલાશી લેતાં તેની પાસેથી બંને ચોરાઉ મોબાઈલ મળી આવ્યા છે. પોલીસે મોબાઈલ કબજે કરી તેની પૂછપરછ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
