Author: નોબત સમાચાર
ક્લેઈમમાંથી રકમ કાપી લેનાર વીમા કંપનીને વ્યાજ સાથે ક્લેઈમ ચૂકવવા ફોરમનો આદેશ
ફરિયાદ ખર્ચની રકમ પણ ચૂકવવા હુકમઃ
જામનગર તા. ૩૧: જામનગરના એક આસામીએ મેડિક્લેઈમ મેળવ્યા પછી વીમા કંપની સમક્ષ ક્લેઈમ કરતા અમૂક રકમ કાપી લેવામાં આવી હતી. તેથી ગ્રાહક ફોરમમાં ધા નાખવામાં આવી હતી. ફોરમે અંશતઃ રકમ મંજૂર કરી વ્યાજ સાથે ચૂકવી આપવા વીમા કંપનીને હુકમ કર્યાે છે.
જામનગરના પરેશભાઈ શશીકાંત પારેખ નામના આસામીએ ન્યુ ઈન્ડિયા ઈન્સ્યોરન્સ કંપની પાસેથી મેડિક્લેઈમ મેળવ્યા પછી તેમના પત્ની બીમાર પડતા મુંબઈની હોસ્પિટલમાં સારવાર અપાવવી પડી હતી.
સારવારમાં રૂ.૮,૧૭,૬૧રનો ખર્ચ થતાં વીમા કંપનીને તેની જાણ કરાઈ હતી. વીમા કંપનીએ રૂ.૧,૯૮,૬૪૨ કાપી લઈ બાકીની રકમ જમા આપી હતી. તેથી પરેશભાઈએ જામનગર ગ્રાહક ફોરમમાં ફરિયાદ નોંધાવી હતી.
આ ફરિયાદ ચાલી જતા ફોરમે રૂ.૧,૫૬,૨૯૯ની રકમ છ ટકા વ્યાજ સાથે ચૂકવી આપવા અને રૂ.પ હજાર ફરિયાદ ખર્ચના અલગથી આપવા વીમા કંપનીને હુકમ કર્યાે છે. ગ્રાહક તરફથી વકીલ વસંત ગોરી, દીપક નાનાણી, નેહલ સંચાણીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
