Author: નોબત સમાચાર
દેશી બંદૂક સાથે ઝડપાયેલા શખ્સનો કોર્ટે કર્યાે છૂટકારો
ત્રણ વર્ષ પહેલાં ઝડપાયો હતોઃ
જામનગર તા. ૧: જામનગરના શખ્સને પાતળીયાનેસ પાસેથી ત્રણ વર્ષ પહેલાં દેશી બનાવટની બંદૂક સાથે પકડી લેવાયો હતો. તે કેસ ચાલી જતાં અદાલતે આરોપીનો છૂટકારો ફરમાવ્યો છે.
જામનગરના સ્પેશિયલ ઓપરેશન ગ્રુપને બાતમી મળી હતી કે, પાતળીયાનેસ પાસે એક શખ્સ દેશી બનાવટની બંદૂક સાથે આવ્યો છે. તે બાતમીના આધારે ગઈ તા.૧૩-ર-રરના દિને એસઓજીએ વોચ રાખી બે ભાઈના ડુંગર પાસેથી જામનગરની ઘાંચીની ખડકી નજીક રહેતા હુસેન ગુલમામદ શેખ ઉર્ફે વાઘેર નામના શખ્સને પકડી પાડ્યો હતો.
આ શખ્સ પાસેથી બંદૂક મળી આવતા તેની સામે આર્મ્સ તથા જીપી એક્ટની કલમ હેઠળ ગુન્હો નોંધાયો હતો. આ કેસ ચાલી જતાં આરોપી પક્ષે દલીલ કરી હતી કે, સ્વતંત્ર સાહેદને તપાસવામાં આવ્યા નથી અને હથિયાર આ શખ્સ પાસેથી કબજે કરાયું તે નિઃશંકપણે સાબિત થતું નથી. અદાલતે તે દલીલ ગ્રાહ્ય રાખી આરોપીનો છૂટકારો ફરમાવ્યો છે. આરોપી તરફથી વકીલ અબરારઅલી એ. ઘોરી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
