Advertisement
Author: નોબત સમાચાર

સિક્કા પાટીયા પાસે રહેતા શખ્સે પંદર વર્ષની સગીરાનું અપહરણ કર્યાની રાવ

ધ્રોલ પંથકમાંથી અન્ય એક સગીરાનું અપહરણઃ

                                                                                                                                                                                                      

જામનગર તા. ૨૨: જામનગર માધવ બાગ-૪ વિસ્તાર પાસેથી દોઢ મહિના પહેલાં પંદર વર્ષની એક સગીરાનું લગ્નની લાલચ આપી સિક્કા પાટીયા પાસે રહેતા શખ્સે અપહરણ કર્યાની ફરિયાદ પોલીસમાં કરવામાં આવી છે. જ્યારે ધ્રોલ પંથકમાંથી એક સગીરાનું મૂળ મધ્યપ્રદેશનો શખ્સ બદઈરાદે અપહરણ કરી ગયાની પણ પોલીસમાં રાવ કરવામાં આવી છે.

જામનગરના દરેડ વિસ્તારમાં વસવાટ કરતા એક પરિવારની પંદર વર્ષની પુત્રી ગઈ તા.પ ડિસેમ્બરની બપોરે ગોકુલનગર વિસ્તારથી આગળ આવેલા માધવ બાગ-૪ પાસે હતી. ત્યાંથી જામનગર-ખંભાળિયા ધોરીમાર્ગ પર આવેલા સિક્કા પાટીયા પાસે વસવાટ કરતો જીલુ મનજી માથાસુરીયા નામનો શખ્સ તેણીને નસાડી ગયો હોવાની ફરિયાદ આ સગીરાના માતાએ સિટી સી ડિવિઝન પોલીસ સ્ટેશનમાં નોંધાવી છે. પોલીસે ગુન્હો નોંધી જીલુ મનજીની શોધ આરંભી છે.

ધ્રોલ તાલુકાના એક ગામની સીમમાં આવેલા ખેતરમાં મજૂરીકામ માટે આવીને રહેતા મૂળ મધ્યપ્રદેશના વતની પરિવારની તેર વર્ષ અને દસ મહિનાની ઉંમરવાળી પુત્રીનું અઢી મહિના પહેલાં મૂળ મધ્યપ્રદેશના અલીરાજપુર જિલ્લાના પનવાણી ગામના રાકેશ રાજુ માવી નામના શખ્સે બદઈરાદે અપહરણ કર્યાની પોલીસમાં ગઈકાલે આ સગીરાના પિતાએ ફરિયાદ નોંધાવી છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh