યુરોપના દેશો પર ટેરિફ નહીં- ગ્રીનલેન્ડ માટે બળપ્રયોગ નહીં: ઈ.યુ. સામે ટ્રમ્પ ઢીલાઢફ

Author: નોબત સમાચાર

યુરોપના દેશો પર ટેરિફ નહીં- ગ્રીનલેન્ડ માટે બળપ્રયોગ નહીં: ઈ.યુ. સામે ટ્રમ્પ ઢીલાઢફ

આ યૂ-ટર્ન ઉપરાંત પી.એમ. મોદીની પ્રશંસા કરી ભારત સાથે ટ્રેડ ડીલના સંકેતો આપ્યાઃ

વોશિંગ્ટન તા. ૨૨: અમેરિકાના રાષ્ટ્રપતિ ડોનાલ્ડ ટ્રમ્પે યુરોપનાં અનેક દેશો ઉપર ટેરિફની ધમકી પાછી ખેંચી લીધી છે ગ્રીન લેન્ડ પર ડીલનું ફ્રેમવર્ક તૈયાર હોવાનો દાવો કરીને બળપ્રયોગ નહીં કરવાની જાહેરાત કરવાની સાથે સાથે ભારત સાથે સંબંધો સુધારવાના પણ સંકેતો આપ્યા છે.

ડોનાલ્ડ ટ્રમ્પે મોટો યુ-ટર્ન લીધો છે, તેમણે અગાઉ ગ્રીનલેન્ડ પર યુરોપિયન દેશો પર ટેરિફની જાહેરાત કરી હતી. હવે, તેમણે ટેરિફ ધમકી પાછી ખેંચી લીધી છે, અને કહૃાું છે કે ગ્રીનલેન્ડ સોદા માટે એક માળખું સ્થાપિત થઈ ગયું છે.

ગઈકાલે ડોનાલ્ડ ટ્રમ્પે જાહેરાત કરી હતી કે તેઓ ગ્રીનલેન્ડ પર યુએસ નિયંત્રણ અંગે યુરોપમાં યુએસ સાથી દેશો પર ટેરિફ રદ કરી રહૃાા છે, કારણ કે તેઓ અને નાટો નેતાઓ ગ્રીનલેન્ડની સુરક્ષા પર ભવિષ્યના કરાર માટે ફ્રેમવર્ક પર સંમત થયા હતા. યુરોપિયન દેશો પર ટેરિફ ૧ ફેબ્રુઆરીએ લાદવામાં આવવાના હતા. હવે ડોનાલ્ડ ટ્રમ્પે તેમના સોશિયલ મીડિયા પ્લેટફોર્મ, ટ્રુથઆઉટ પર પોસ્ટ કરી હતી, જેમાં જણાવ્યું હતું કે તેઓ ઘણા યુરોપિયન દેશો પર ટેરિફ લાદવાની તેમની ધમકી પાછી ખેંચી રહૃાા છે. તેમણે આર્કટિક સુરક્ષા પર નાટો સાથેના નવા માળખાનો ઉલ્લેખ કર્યો હતો.

ડોનાલ્ડ ટ્રમ્પનો આ અચાનક યુ-ટર્ન દાવોસમાં વર્લ્ડ ઇકોનોમિક ફોરમમાં જણાવ્યું હતું કે યુએસ ગ્રીનલેન્ડ પર નિયંત્રણ મેળવવા માટે બળનો ઉપયોગ કરશે નહીં. ડોનાલ્ડ ટ્રમ્પે પોતાની પોસ્ટમાં લખ્યું, નાટો સેક્રેટરી જનરલ માર્ક રુટ સાથે મારી ખૂબ જ ઉત્પાદક બેઠક રહી. તેના આધારે, અમે ગ્રીનલેન્ડ અને ખરેખર સમગ્ર આર્કટિક ક્ષેત્ર અંગે ભવિષ્યના કરાર માટે એક માળખું સ્થાપિત કર્યું છે. જો આ ઉકેલ પૂર્ણ થાય છે, તો તે યુનાઇટેડ સ્ટેટ્સ અને બધા નાટો દેશો માટે ખૂબ ફાયદાકારક રહેશે. આ સમજણના આધારે, હું ૧ ફેબ્રુઆરીથી લાગુ થનારા ટેરિફ લાગુ કરીશ નહીં.

થોડા સમય પહેલા, તેમણે સ્વિટ્ઝર્લેન્ડના દાવોસમાં વર્લ્ડ ઇકોનોમિક ફોરમમાં પોતાના ભાષણમાં કહૃાું હતું કે તેઓ ગ્રીનલેન્ડ પર કબજો કરવા માટે લશ્કરી બળનો ઉપયોગ કરવાથી પાછળ હટી રહૃાા છે. જોકે, ટ્રમ્પે સ્પષ્ટપણે કહૃાું હતું કે તેમનું લક્ષ્ય ગ્રીનલેન્ડ મેળવવાનું છે. તેમણે કહૃાું, મને ગ્રીનલેન્ડ જોઈએ છે, સંપૂર્ણ અધિકારો, માલિકી અને નિયંત્રણ સાથે. પરંતુ તેમણે એમ પણ ઉમેર્યું હતું કે તેઓ આ હાંસલ કરવા માટે બળનો ઉપયોગ કરશે નહીં.

દાવોસમાં ટ્રમ્પે તેમના ભાષણમાં યુરોપિયન દેશો અને નાટો પર પણ આકરા પ્રહારો કર્યા. તેમણે કહૃાું હતુ કે, બીજા વિશ્વયુદ્ધ દરમિયાન અને પછી યુનાઇટેડ સ્ટેટ્સે યુરોપને બચાવ્યું હતું. તેમના મતે, આપણે દાયકાઓથી તેમને જે આપ્યું છે તેની તુલનામાં આ ખૂબ જ નાની માંગ છે. તેમણે ગ્રીનલેન્ડ અંગે વિવાદાસ્પદ નિવેદન આપતા કહૃાું કે આ વિસ્તાર ઠંડો અને ખરાબ રીતે સ્થિત છે, છતાં તે અમેરિકાની રાષ્ટ્રીય સુરક્ષા માટે મહત્વપૂર્ણ છે. તેમનું માનવું છે કે ભવિષ્યમાં આર્ક્ટિક ક્ષેત્ર વ્યૂહાત્મક રીતે મહત્વપૂર્ણ રહેશે, અને તેથી, ગ્રીનલેન્ડ પર અમેરિકાનું નિયંત્રણ હોવું જોઈએ.

એકંદરે, ટ્રમ્પે યુરોપ પર ટેરિફ લાદવાની પોતાની ધમકી હાલ માટે પાછી ખેંચી લીધી છે. તેમણે ગ્રીનલેન્ડ અંગે લશ્કરી કાર્યવાહીથી પીછેહઠ કરવાનો પોતાનો ઈરાદો વ્યક્ત કર્યો છે. જોકે, ગ્રીનલેન્ડ મેળવવાની ઇચ્છા હજુ પણ છે. નાટો અને યુરોપિયન દેશો પર દબાણ લાવીને તેમણે કહૃાું કે અમેરિકાએ તેમના માટે ઘણું કર્યું છે. ટ્રમ્પનું નિવેદન એટલા માટે પણ મહત્વપૂર્ણ છે કારણ કે પહેલીવાર, કોઈ અમેરિકન રાષ્ટ્રપતિએ બીજા દેશના પ્રદેશ પર કબજો કરવા અંગે આંતરરાષ્ટ્રીય મંચ પર ખુલ્લેઆમ આટલી સ્પષ્ટ ભાષામાં વાત કરી છે, ભલે તેમણે કહૃાું હોય કે તેઓ બળનો ઉપયોગ નહીં કરે.

આ ઉપરાંત ટ્રમ્પે ભારત સાથે ટ્રેડ ડીલના સંકેતો પણ આપ્યા છે. તેમણે વડાપ્રધાન નરેન્દ્ર મોદીની પ્રશંસા કરી, દાવોસમાં પ્રવચન કર્યુ અને સોશ્યલ મીડિયામાં જે અલગ અલગ પોસ્ટ મુકી છે. તે જોતાં એમ જણાય છે કે યુરોપના દેશોની એકજૂથતા અને મકકમતા પછી ઢીલા ઢફ થઈ ગયેલા ટ્રમ્પ હવે ભારત પરના ટેરિફ મુદ્ે પણ યુ-ટર્ન લઈ શકે છે. તેમના છેલ્લા ૪૮ કલાકના નિવેદનો, સોશ્યલ મીડિયાની પોસ્ટ તથા ઈકોનોમિક ફોરમના ભાષણને ક્રમાનુસાર સાંકળીએ તો કદાચ ટ્રમ્પ ભારત અંગેનું તેમનું કડક વલણ બદલશે, તેવો આશાવાદ જાગ્યો છે.

જો આપને આ પોસ્ટ ગમી હોય તો શેર કરો...