Author: નોબત સમાચાર
કેનાલના સ્લેબના કામ માટે વાહન વ્યવહારનો પ્રતિબંધ લંબાવાયો
જામનગરમાં ન્યુ સ્કૂલના માર્ગે
જામનગર તા. ૨: જામનગરમાં ન્યુ સ્કૂલ માર્ગ સ્લેબ ભરવાની કામગીરી ચાલી રહી છે આથી આ માર્ગ ઉપર વાહન વ્યવહાર ઉપર પ્રતિબંધ મૂકવામાં આવ્યો હતો જે અંગેના પ્રતિબંધિત જાહેરનામાની મુદત લંબાવામાં આવી છે.
જામનગર મહાનગર પાલિકાના કમિશનર ડી.એન. મોદી, દ્વારા બી.પી.એમ.સી. એક્ટની કલમની જોગવાઈ હેઠળ મળેલ સત્તાની રૂએ જાહેર નોટીસ પ્રસિદ્ધ કરવામાં આવી છે કે, જામનગર મહાનગરપાલિકાની હદમાં રણમલ તળાવ ગેટ નં.૯ની સામેથી ન્યુ સ્કૂલ તરફ જતા ફીડીંગ કેનાલ વાળા રસ્તા પર કેનાલનો સ્લેબ સેટલમેન્ટ થવાને કારણે આ રસ્તો સલામતીના ભાગરૂપે તેમજ અકસ્માત નિવારવાના હેતુથી જરૂરી રી-કન્સ્ટ્રકશન કરવા અર્થે તા.૨૯/૦૩/૨૦૨૫ થી ૩૦/૦૪/૨૦૨૫ સુધીના સમયગાળા દરમ્યાન તમામ વાહન વ્યવહાર બંધ રાખવા જાહેર નોટીસ બહાર પાડવામાં આવી હતી, જેની સમય મર્યાદા તા.૨૦/૦૮/૨૦૨૫ સુધી વધારવામાં આવી છે. જેનો અમલ કરવાનો હુકમ કરવા આવ્યો છે. જે કોઈ વ્યક્તિ આ હુકમનો ભંગ કરશે તેની સામે બી.પી.એમ.સી. એક્ટની કલમ અનુસાર દંડની કાર્યવાહી કરવામાં આવશે.
તમામ પ્રકારના વાહનો માટેની વૈકલ્પિક ટ્રાન્સપોર્ટ વ્યવસ્થામાં રણમલ તળાવ મેઈન રોડ તથા ન્યુ સ્કુલ મેઈન રોડ પરથી સદરહુ રસ્તા પર ક્રોસિંગ કરતા તમામ વાહન વ્યવહાર બંધ રહેશે, જેની વૈકલ્પિક ટ્રાન્સપોર્ટ વ્યવસ્થા ભુજીયા કોઠાથી ખંભાળિયા ગેઇટ તથા જોલી બંગલા રોડ પર થી કરી શકાશે. તદ ઉપરાંત આ રોડની આજુબાજુના દિગ્વિજય પ્લોટ શેરી નં. ૧ થી ૧૦ના આંતરિક રસ્તાઓનો પણ વૈકલ્પિક માર્ગ તરીકે ઉપયોગ કરી શકાશે. તેમ કમિશનર, જામનગર મહાનગર પાલિકાની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
