Advertisement
Author: નોબત સમાચાર

બનાવટી ઈંગ્લીશ દારૂની ઝડપાયેલી ફેક્ટરી અંગેના ગુન્હામાં નાસી ગયેલો શખ્સ ઝબ્બે

ત્રણેક મહિના પહેલાં પોલીસે પકડી પાડી'તી ફેક્ટરીઃ

                                                                                                                                                                                                      

જામનગર તા. ૩૦: જામનગરના ગ્રામ્ય પંથકમાંથી ત્રણેક મહિના પહેલાં બનાવટી ઈંગ્લીશ દારૂની ફેક્ટરી ઝડપાઈ હતી. આ ગુન્હામાં સંડોવાયેલો એક શખ્સ પોલીસને હાથતાળી આપતો હતો. તેને સિક્કા પોલીસે સરમત ગામના પાટીયા પાસેથી પકડી પાડ્યો છે.

જામનગરના પંચકોશી બી ડિવિઝન પોલીસ સ્ટેશનના સ્ટાફે ત્રણેક મહિના પહેલાં બનાવટી ઈંગ્લીશ દારૂની ફેક્ટરી પકડી પાડી હતી. સ્થળ પરથી બનાવટી દારૂ સહિતનો મુદ્દામાલ કબજે કરી પોલીસે ગુન્હો નોંધ્યો હતો.

ઝડપાયેલા આરોપીની કરાયેલી પૂછપરછમાં રામેશ્વરનગર પાછળ વિનાયક પાર્કમાં ગરબી ચોક નજીક રહેતા ગજેન્દ્રસિંહ દિલીપસિંહ જાડેજા નામના શખ્સનું નામ ખુલ્યું હતું. ત્યારથી આ શખ્સ નાસતો ફરતો હતો.

ઉપરોક્ત આરોપી જામનગર-ખંભાળિયા ધોરીમાર્ગ પર સરમત ગામના બસ સ્ટેન્ડ પાસે આવ્યો હોવાની બાતમી મળતા સિક્કા પોલીસ સ્ટેશનના સ્ટાફે પીઆઈ જે.જે. ચાવડાના વડપણ હેઠળ ત્યાં ધસી જઈ ગજેન્દ્રસિંહ જાડેજાની અટકાયત કરી છે. આ શખ્સનો કબજો પંચકોશી બી ડિવિઝન પોલીસને સોંપવાની તજવીજ કરાઈ છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh